Evttohus láhkaásahussii áššemeannudandivvaga birra gustovaš plána- ja huksehusláhkii Deanu gielddas lea biddjon almmolaš geahčadeapmái. Cealkámušat dasa fertejit sáddejuvvot Deanu gildii ovdal njukčamánu 1. beaivve.

Jus leat stivralahttun muhtun oasussearvvis, dahje hálidat beassat lahttun dákkár stivrii, de dat mielddisbuktá ovddasvástádusa. Ulbmil kurssain lea addit kursaoassálastiide oahpu dan ovddasvástádusas mii gáibiduvvo stivralahtus. Ii atno erenomáš oahppu ovddalgihtii. Dieđihanáigemearri lea bearjadaga ođđajagimánu 13. beaivve.

Ođđajagimánu 5. beaivve: Jiekŋageaidnu rastá Deanu Ruostafielmmás lea rahppon johtalusa várás. Deaddomearri lea 2-tonna. Jiekŋageaidnu Buolbmágis lea ain gitta go jiekŋa ii leat vel nu assái.

Gielddas lea vel okta 35.000 kruvdnosaš ásaiduvvandoarjja viessohuksemii boaittobeale báikkiide.

Deanu gielda áigu geasi mielde hukset govdokáija Gohppái. Dat geat háliidit láttasaji fertejit čálalaččat dieđihit gildii ovdal suoidnemánu 1. beaivve 2011. Hápmanlávdegoddi juohká láttasajiid. Mearrádusat ja láigoeavttut govdokáijaide, maid Deanu gielda oamasta, leat fidnemis bálvalusossodagas ráđđevisttis.

Gielddas leat maid rabas láttasajit govdokáijas Šuoššjogas.
Jus leat gažaldagat, de sáhtát váldit oktavuođa Huksehus- ja rusttetossodagain.

Gielddastivra lea mearridan juolludit golbma 35.000 kruvdnosaš ásahandoarjaga viessohuksemiidda boaitto beale báikkiide.

Deanu gieldda dispalávdegoddi lea bidjan ohcanáigemeari sierravuodjinlobiid ohcamiidda maŋimuš čoahkkimii geassemánus, dan sivas go suoidnemánus eai dollo čoahkkimat. Hálddahus maid ii meannut ohcamiid dan áigodagas go eai leat čoahkkimat.

Áigemearri ohcat sierravuodjinlobi, mii meannuduvvo čoahkkimis 28.6.11, lea maŋŋebárgga 21.6.2011.

Gielddastivra mearridii 07.04.2011 plána nu go Ovdagoddi lei árvalan. Mearrádus dagaha ahte dálá barttat regulerejuvvojit muhtin gáržidemiiguin maŋit viiddidemiid ektui, ja ahte eará areála regulerejuvvo eanadoaloulbmil vuođul ja gáržideamit johkagátti mielde.