Deanu sámeskuvlla oahppit vuite ohpihii lohkangilvvu
Deanu sámeskuvlla 8. luohká oahppit vuite ohpihii lohkangilvvu maid Girjebusse lágida. Seammá oahppit vuite lohkangilvvu golmma jagi áigi maid.
8. luohká oahppit Deanu sámeskuvllas leat áŋgiris lohkkit. Dán jagi vuite vuot lohkangilvvu maid Deanu ja Unjárgga girjebusse lágida. Ovddit háve go vuite, vázze sii 5. luohká. Gilvvu ulbmil lea lohkat nu máŋga čábagirjjálašvuođagirjji go vejolaš 50 beaivvis. Das rehkenasto man galle siiddu juohke oahppi lea lohkan gaskamearálaččat. Dán jagi lohke Deanu sámeskuvlla oahppit gaskamearálaččat 1322 siiddu juohkehaš. Oahppit leat lohkan girjjiid sihke skuvllas ja ruovttus.