"Deanu Riemut suoidnemánu 2.-11.b." ja "Geassi Deanus 2010"

Mii doaivut dán ge jagi ahte šaddet ollu buorit doalut ja vásáhusat riemuid áigge. Jus galget šaddat buorit doalut, de fertejit eanemusat lági mielde joavkkut ja searvvit gielddas searvat .
 
Dán rádjai lea goittot čuovvovaš doalut dieđihuvvon:

Suoidnemánu 2. – 3. b.: Skiippagurra-festivála,

Suoidnemánu 10. beaivve: Guhkesnjármárkanat oktan márkaniiguin olgun eahkedis

Suoidnemánu 7. beaivve: Skiippagura geaidnomusea: Rabas beaivi. Dohko bohtet "Boarestráktoriid skihpárat ee. tráktoriiguin, mohtoriiguin" jna.

Suoidnemánu 9. b stuorra oaggunstákku luhtte Deanušalddis: Čáhceloddegilvu maid Deanu ja Unjárgga Lions lágida ja oaggungilvu maid Deanu Bivdiid- ja guolástansearvi lágida.

Mii doaivut ahte meahccevázzimat mat leat ovdal lágiduvvon riemuid áigge, lágiduvvojit dán jagi maid. Sávvat buresboahtima maid ođđa doaluide.

Vástidanskovvi mii lea mielddusin sáddejuvvo ruovttoluotta gildii maŋimustá geassemánu 14. beaivve breava dahje e-poastta bokte (geahča gulahallandieđuid vuolimuččas). Sáhtát maid geiget dieđuid doaluid birra njuolgga telefonguovddážii. Ferte čállit guđe beaivve livččii sávaldat lágidit doaluid. Gielda ráhkada prográmma ja almmuha doaluid.

Seammá áigemearri guoská doaluide mat galggašivčče geassegihppagii "Geassi Deanus 2010".

Gulahallanolbmot gielddas:

Čálli Marie Jelti:  marie.jelti@tana.kommune.no tlf 46 400 273 / 46 400 200

Kulturbagadalli Laura Kjølås: laura.kjolas@tana.kommune.no tlf 46 400 263
 

Breavat sáddejuvvojit čuovvovaš čujuhussii:

Deanu gielda,ovdánahttinossodat

9845 Deatnu