Deanu Oahppoguovddáš
-Mii fállat allaskuvlaoahpu, fágabreavaoahpu, fágaskuvlla ja maiddái muhtun oanehat kurssaid videokonferánssaid ja interneahta bokte Deanušalddis.
- Deanu oahppoguvddáža bokte oaččot maid veahki gazzagoahtit oahpu jus it leat studeren ovdal, dahje jus lea guhkes áigi das rájes go maŋimuš vázzet skuvlla.
- Oahpahus lea bures heivehuvvon bearaš- ja bargodillái.
- Lea go dus máhttu ja gelbbolašvuohta maid hálidat juogadit earáiguin? Mii sáhttit veahkehit du ráhkadit kurssaid maid sáhtat čađahit min viiddis oahppoguovddážiid fierpmádaga čađa, ja mii lea heivehuvvon dan teknologijiid maid mii geavahat.
Sábmamánu 17. beaivve rájes mii leat gávdnamis Diehtovisttis (govva) ovttas LOSA:in, gielddalaš ollesolbmuidoahpahusain ja Digforskain. Studeanttat besset geavahit jođaskeahtes fierpmádaga ja oktasaš kievkkana ovttas eará láigolaččaiguin.
Mii márkanfievrridat ja láhčit kurssaid studiesenteret.no bokte čieža allaskuvlalágideddjiin Norggas. Loahppageahččaleapmi čađahuvvo báikkálaččat Deanus, ja mii leat seammás oassin regionála fierpmádagas Øst- Finnmark kompetansesentera vuolde.
Váldostudiot Diehtovisttis:
Čujuhus: IP - 88.84.190.122
Dáppe čađahuvvojit eanáš logaldallamat. Dáppe lea sadji 10-12 studentii. Go latnja ii leat geavahusas, de sáhttet studeanttat iehčanassii geavahit lanja studeremii ja joavko/seminárabargguide. Govas oainnát studeanttaid, mat čakčat 2009 čađahedje Kreatiiva IKT geavaheapmi mánáidgárddis maid Volda allaskuvlla lágidii, buđaldeamen dihtorteknologiijain.
Studiot maid geavahat ovttas LOSA:in
LOSA- studio Diehtovisttis:
Čujuhus: IP - 88.84.190.123
Dáppe čađahuvvo oahpahus luohkkálanajs sullii 20 studeantta várás juohke nuppi vahku. Leaskalohkovahkuin vuossárggas duorastahkii geavaha Oahppoguovddáš studio.
Uhcastudio Diehtovisttis:
Čujuhus: IP - 88.84.190.124 .
Dát studio heive bures smávit joavkkuide, omd. njeallji studentii. Jus sirdá ovtta luovosseainni, de čáhket 10-12 oasseváldi.
Liigestudio Searvegottevisttis.
Čujuhus: IP - 88.84.190.121. Dáppe leat logaldallamat jus eat sáhte geavahit váldostudio jus logaldallamat leat oktanagas. Studios lea heivehanmunni ja sáhttá geavahuvvot joavkkuide mas leat 10-12 studeantta (uhcasáles) dahje sirdojuvvot stuorrasálii gosa čáhket 30 studeantta. Lanjain lea jođaskeahtes interneahtta.
Go Oahppoguovddáš ii geavat rusttegiid mat leat searvegottevisttis, de searvegotti jođiheaddjit láigohit daid.
Semináralatnja/lohkansále Deanu girjerádjosis
Čujuhus: IP - 88.84.190.125
Girjerájus lea dastán Diehtovistti lahka. Dáppe sáhttet studeanttat bargat iehčanassii dahje joavko- ja seminárabargguiguin čáppa ja movttidahtti birrasis gos leat seminárarusttegat HD-kvalitehtas. Erenomáš diliin sáhttit dáppe maid čađahit logaldallamiid 4-5 studentii.
Girjerájus bálvala studeanttaid áigeguovdilis fágagirjjid (ja lassigirjjálašvuođa) ektui ja studeanttain lea maid vejolaš geavahit IT-fierpmádaga. Muđui veahkehit girjerádjosa bargit duoinna dáinna. Studeanttat sáhttet maid geavahit girjerádjosa dábálaš rahpanáiggiid olggobeale sierra čoavddasoahpamuša bokte.
Dakko bokte ásahuvvo Detnui erenomáš oahppobiras joatkka- ja allskuvlla dásis. Studeanttat besset maid lohkansálii gielddalaš girjerádjosis mii lea dastán Diehtovistti bálddas, ja oktan teknologalaš standardain mii mis lea, de mii leat lahkoneamin standarda mii lea buot eará dábálaš allaskuvllain. Studeanttat Deanu oahppoguvddážis ožžot iežaset čoavddakoarttaid ja besset dainna lágiin geavaht Oahppoguovddáža fálaladagaid gitta eahkedii tiibmu 23.00.
Gulahallandieđut:
Báikeovddasvástideaddji Gunnar Paulsen
gunnar.paulsen@tana.kommune.no
Mobila 45517752
Gunnara bargoáigi lea vuossárgga, maŋŋebárgga, gaskavahko, ja duorastaga.
Jus áiggut váldit oktavuođa olggobealde dáid áiggiid, de sáhtat váldit oktavuođa Diehtojuohkin- ja bálvalusossodaga jođiheaddjiin Bill Sørenseniin 46400300 ja e-poastačujuhusain tana.studiesenter@tana.kommune.no
Studeanttat geat dárbbašit teknihkalaš veahki studiorusttegiid oktavuođas váldet oktavuođa Tor Ørjan Storiin 46400301/ Bjørn Magne Holmain 46400302.
Telefuvdna:
Gieldda telefonguovddáš tlf 46 400 200 dahje njuolgga mobiltelefuvnnain 45517752.
Studio čujuhus
-Váldostudio: Čujuhs: IP - 88.84.190.122
- Liigestudio : Searvegottevisttis. Čujuhus: IP - 88.84.190.121
- Deanu girjerájus, Čujuhus: IP - 88.84.190.125
Poastačujuhus:
Tana studiesenter
Rådhuset
9845 Tana