Deanu kulturskuvla

Njukčamánu 6. beaivve lágida Deanu kulturskuvla Finnmárkku kulturskuvlafestivála. Dohko bovdejuvvojit buot Finnmárkku kulturskuvllatoassálastit lávdebihtáin, ja seammás oassálastit kursii máŋgga iešguđetge fágasuorggis; muohta ja jiekŋa, filbma, dánsa, teáhter, musihkka ja juoigan. Borgemánu 1.- 7 beaivái lágiduvvo fas stuorra riikkaidgaskasaš Davviriikalaš mánáidteáhterfestivála DAVVI MÁNÁT. Mii leat bovden teáhterjoavkkuid Ruoŧas, Danmárkkus, Suomas, Fearasulluin, Islánddas, Ruonáeatnamis, Estlánddas, Latvias, Litauenis ja Davvi-oarje Ruoššas. Bovdejuvvojit 10 oahppi juohke riikkas, ja sis galgá leat čájálmas mii bistá guhkimusat 60 minuvtta, mas lea fáddán: Gii lea mun historjjás. Ulbmil dáinna fáttáin lea nannet oktasaš Davviriikalaš historjádovddu. Ulbmiljoavku lea mánát gaskkal 10-15 jagi. Lassin dasa ahte geahččat guđet guimmiid teáhterbihtáid, fállojuvvo oasseváldiide vejolašvuohta čuovvut teáhterfágalaš kurssaid. Goappašiid festiválaide rehkenastit sullii 150 oasseváldi. Dát leat ollu olbmot, ja jus galgat nákcet váldit buohkain vára, de dárbbašat veahki báikki olbmuin. Barggut dán olis sáhttet leat sáhtašeaddjin, billetevran, bargat diehtojuohkin beavddis, fáttarortnegat, lávdeteknihkkárin jna. Mii ávžžuhat olbmuid várret áiggi dáid vahkuide, nu ahte beassabehtet vásihit áibbas erenomáš dáhpáhusa.