Skoler i Tana

Language Language Language Visning: A A A A A
toppbilde

Deanu Kulturskuvla – Tana Kulturskole

Deanu kulturskuvla oahpahus lea eanaš Deanu Birasvisttis (1982) Deanušalddis

Čujuhus: Rådhusvegen 32, 9845  Deatnu

Kulturskolen - Miljøbygget
Govva:  Brynjar Skartland, manipulerejuvvon govva Deanu Birasvisttis čájáhussii : Charlie ja šuhkoládafabrihkka 2019

Deanu Kulturskuvla fállá dáiddaoahpahusa. Váldo ulbmiljoavku lea Deanu gieldda vuođđoskuvla oahppit. Odne mii fállat bánda čuojanasain, piano, juoigan, dánsa, teáhter ja sámi duodji. Vuođđoprográmma dáhpáhuvvá dábálaččat vahkkobeivviid gaskkal dii. 14:30 - 18:00 

Kulturskuvlla servodatdoaibma lea nannejuvvon Oahpahuslága paragráfas § 13-6:

«Buot suohkaniin galgá juogo alddis dahje ovttas eará suohkaniiguin leat musihkka- ja kulturskuvlafálaldat mánáide ja nuoraide, organiserejuvvon lahkalaga skuvllain ja kultureallimin muđui.” (1997)

Kulturskuvla áimmahuššá olu iešguđetlágan dáidda- ja kulturfágaid ja bargun lea ovdánahttit dáiddafágalaš gelbbolašvuođa ja ovdanbuktinnávcca, ja maiddái hutkáivuođa, kritihkalaš návcca, kultuvrralaš ja sosiálalaš gelbbolašvuođa. Dát leat birgema ja oahppama vuođđun eallimis. Dáidda hábme identitehta ja buorida ipmárdusa earáid ovdanbuktimiid hárrái. Dáiddalaš barggu bokte ovdána hutkáivuohta ja dovddanákca, ja kultuvrralaš searvevuođa oasseváldin ovdána min oadjebasvuohta ja ipmárdus dasa maid mearkkaša leat olmmožin, akto ja ovttas earáiguin..

Oahpahusgielat leat dárogiella ja sámegiella. Lea maid vejolaš rávis ohppiide ja eará ránnjágieldda ohppide ohcat saji.

Rektor: Ebba Lovise Joks, tel 46400277, e-poastta ebba.joks@tana.kommune.no

Dákko sáhttá ohcat saji: https://skjema.kf.no/FormsEngine/?wizardId=2643&externalId=5441

Mis lea sisaváldin guktii jagis, ohcanáigemearit leat vuosttaš sotnabeaivi geassemánus ja maŋimuš sotnabeaivi skábmamánus.

Lohkanbajiloahpaheapmi lea vuosttaš duorastat juovlamánus dii. 1700 ja vuosttaš duorastat geassemánus dii.  1700. Oahppit besset dalle čájehit iežaset oahppobargguid loahpahuvvon lohkanbajis.

Kulturskuvlabáikkiid lohkanbajehattit:

  • Vuođđomáksu 515,-
  • Oarbinat/dahje máŋga doaimma Ru. 700,-
  • Čuojanasláigu juohke jahkebealis Ru. 330,-
  • Ávdnasat oahpahussii Ru. Ávnnashaddi
  • Eretcealkindiva Ru. 330,-

Čuovvulehpet Deanu Kulturskuvlla siiddu Facebookas