Deanu kulturskuvla vuolgá 11. máilmme mánáidteáhterfestiválii Duiskii
Deanu kulturskuvla mánáidteáhter OLii
Deanu kulturskuvla lea geassemánu 17. beaivve johtimin Duiskii. Doppe lágiduvvo 11. World festival of childrens theatre. Dohko bohtet 18 mánáidteáhterjoavkku miehtá máilmmi. Deanu kulturskuvla ovddasta Norgga nuppádis riikaidgaskasaš oktavuođas. Leat 16 neavttároahppi geat vulget, Sunná šiella čájálmasain, man Inger Margrethe Olsen rohkki geaskat heivehii min lávdái. Kultur i Troms juoigi Inga Juuso lea dán vuoru maid mielde juoigin ja neavttárin, ja dieđusge Lemet Ánde Buljo musihkkárin.
Festivála bistá gávcci beaivve, ja doppe galget oahppit geahččat eará joavkkuid čájálmasaid ja searvat workshopaide, gos besset oahppat eambbo teáhterfágas.
Gehččet festivála ruovttusiiddu, das oaidnibehtet buot dieđuid festiválas. Mii čájehat iežamet čájálmasa geassemánu 23. beaivve dii. 14:30.