Språk Språk Språk Visning: A A A A A
toppbilde

Meld fra om aktiviteter og arrangement

Deanu geassi - Tana sommer 2017

Deanu gielddas lea áigumuš almmuhit Deanu geassi - Tana sommer prográmma 2017.

Dát lea juoga ođđa, dan dáfus go mii leat ovdal láven dušše almmuhit prográmmaid doaluide mat leat suoidnemánu gaskkamuddui, namalassii vahku ovdal ja maŋŋá Guhkesnjárgga márkaniid. Mii navdit ahte sáhttá leat ávkkálaš juohkit dieđuid doaluid birra guhkit áigodahkii. Gielda doaivu ahte šaddet ollu buorit doalut ja vásáhusat miehtá geasi  dán jagi maiddái. Jus dan galgat nákcet, de fertet oažžut veahki nu ollu servviin ja ovttastusain gielddas go vejolaš.

Guhkesnjárgga márkanat leat nu mo ovdal ge leat leamašan suoidnemánu 8. beaivve. Eará doalut maid doaivut ahte beassat almmuhit leat Vuojašgilvu maid Deanu ja Unjárgga Lions Club lágida. Mii doaivut maid ahte Ibbágirkovázzin, Gollevárvázzin ja Oskarvázzin lágiduvvojit nu mo lávejit. Buolbmát gilisearvi lea almmuhan ahte sii áigot fas álggahit fanasmátkkiid Buolbmatjohráigge nu mo ovdal. Mii doaivut ahte earát ge almmuhit jus leat doalut maid jurddašit lágidit. Dat iešguđetge doaluin ja lágidemiin lea stuorra mearkkašupmi dan dáfus ahte čohkkejit ássiid ja eará deatnulaččaid geat leat fárren Deanus ja leat boahtán ruoktot luomustallat. Maiddái turisttat besset searvat doaluide. 

Lehket nu buorit ja almmuhehpet doaluid, áiggi ja oktavuođaolbmo gieldda oktavuođaolbmui, guhte dán jagi lea biraskonsuleanta Erlend Eide, tlf. 46400269 dahje e-poasta: erlend.eide@tana.kommune.no maŋimustá vuossárgga geassemánu 26. beaivve. Das maŋŋá almmuhišgoahtá gielda doaluid.