Deanu dálveriemut leat álgán!
 |
| Kirsti Bergstø (govva: sv.no) |
Nissonbeaivi maŋŋebárgga njukčamánu 8. beaivve
Dán vahku vuosttas doalut leat nissonbeaivvi, njukčamánu 8. beaivve. Deanu gilinissonsearvi lea gohčodan ávvudeami "Kvinner er kvinner best" (nissonat leat nissoniidda buoremusat). Eahket lágiduvvo mini-semináran, ja stádačálli Kirsti Bergsø lea okta dain guhte oassálastá. Dasa lassin guossohuvvo biepmu ja lea maid guoimmuheapmi.
Oktavuođaolmmoš: Solveig Ballo, tlf. 958 00 516
Deanu hoteallas, tii. 18:00
Lágideaddjit: Deanu gilinissonsearvi
 |
| Govva: Nuortasámi musea |
Gaskavahku njukčamánu 9. beaivve: Gođđinkafea Skiippaguras.
Skiippagura gilisearvvi miellahtut deaivvadit duddjot juohke gaskavahko. Dálveriemuid olis sidjiide boahtá guossin prošeakta “skoaltasámi kultuvra rastá rájá”. Prošeakta háliida oahpahit gođđit skoaltasámi fáhccaminstariid. Prošeavtta jođiha Nuortasámi musea.
Bearjadaga njukčamánu 11. beaivve.
Čevllohallat ođđa govvenjoavkkuin mii čoahkkanii čakčat maŋŋá go Deanus lei kursa maid Bjarne Riesto lágidii. Beaggá ahte joavkku miellahtut leat dávjá olgun galbma suorpmaiguin govvideamen. Dál sii leat gergosat lágidit iežaset govvačájáhusa. Govvenjoavku TaKaNe čilge iežaset čájáhusa ná: Govvenjoavku TaKaNe bovde joavkku vuosttas govvačájáhussii! Eahpeallaáigásaš rahpan bearjadaga njukčamánu 11. beaivve tii. 19:00, muhto čájáhusa gal sáhtát oaidnit jo Galleri Martinas njukčamánu 7. beaivve rájes, gitta njukčamánu 20. beaivve rádjái. Galleri Martin lea rabas beaivit árgabeivviid. Čájáhusa fáddán lea “Dálvi” ja govvejeaddjit leat govven dálvvi davvin kreatiivvalaččat ieš guđet ge láhkai. Dáppe beasat oaidnit sihke čába guovssahasaid ja jikŋon bivttascivcconiid. Buresboahtin!
Lávvardaga njukčamánu 12. beaivve:
Lea šaddan árbevierrun lágidit doaibmabeaivvi Buolbmát museas Deanu dálveriemuid olis. Dán jagi lea dát beaivi lávvardaga, beaivvi ovdal go Finnmarksløpet beanavuodjingilvvu vuoddjit vudjet Deanušalddi meattá.
Lávvardaga njukčamánu 12. beaivve: Finnmarksløpetkafea - vuolgga Álttás čájehuvvo stuorra TV:s
Finnmarksløpskafea Galleri Martinas rahppo jo lávvardaga, ja doppe beassá oaidnit njuolggosáddaga bokte go beanavuoddjit vulget Álttás. Beasat oastit káfe ja gáhkuid, ja doppe sáhtát maid geahččat govvačájáhusa “Dálvi”.
Lávvardaga njukčamánu 12. beaivve:
“Musihkka Finnmárkkus”- musihkkárat álggahit dál ovtta prošeavtta mii lea issoras hástaleaddji, ja dat mielddisbuktá ahte sii galget ovdanbuktit muhtun lávlagiid musihkkašlájain mii gáibida issoras ollu ja lea hui hástaleaddji, nammalassii fusion.
Sotnabeaivve njukčamánu 13. beaivve: Gávppašeapmi Deanu hotealla šilljus
Sotnabeaivve lea dat stuorra álbmotmárkanbeaivi dálveriemuid áigge. Mii vuorddašat gelddolaččat daid vuosttas beanavuddjiid geat vulget Álttás lávvardaga, ja mii oassálastit doaluide Hotealla šilljus. Birasvisttis lea maiddái beanavuodjinkafea, gos sáhttá oppa áigge čuovvut mo gilvvuin manná.
Sotnabeaivve njukčamánu 13. beaivve: Cyaneed ustibiiguin - akustihkalaš konsearta
Maŋŋá guhkes vahkkuloahpa, gos leamaš ollu olgodoaimmat, lea buoremus loahpahit vahkkuloahpa akustihkalaš konsearttain siste. Cyaneed, guhte dábálaččat čuojahit hui garra rockamusihka, čuojahit dál iežaset lávlagiid akustihkalaččat. Sis lea maid mielde ruošša čuojahanjoavku, guhte maid čuojahit muhtun lávlagiid akustihkalaččat.
 |
| Ensemble Noor |
Buorit guossit -
Mátki poláragierddu mielde Ensemble Noorain ja ovttain perkušonisttain.
Lea sáhka musihkalaš mátkkis poláragierddu mielde ovttas čeahpes musihkkáriin Ensemble Nooras. Mielde mátkkis sis lea dán háve okta perkušonista. Musihkkabihtát maid ovdanbuktet, leat báidnon muitalusain ja fenomenain davvin.