Dál sáhtát háhkat alccesat lohkangelbbolašvuođa Deanu oahppoguovddáža bokte
Dát fálaldat guoská vuosttažettiin daidda geain eai leat "vuoigatvuohta-studeanttat", dan sivas go dán oahpu ferte máksit. Frisvold Norsk Nettgymnas fállá oahppoguovddáža (studiesenteret.no) bokte oktasašfágalaš oahppoprográmma ohppiide geat hálidit oppalaš lohkangelbbolašvuođa joatkkafágan, dahje ollesolbmuidoahpahussan. Fálaldat dievasmahttá almmolaš fálaldaga, ja addá vejolašvuođa ohppiide gaccat oahpu báikkálaččat. Sisaváldin oahpuide lea guktii jagis (čakčat ja giđđat), ja oahpu guhkkodat sáhttá heivehuvvot juohkehačča dárbbuid ja mihttomeriid mielde. Oahppu dáhpáhuvvá neahta bokte, ja sihke fágaoahpaheaddjit ja fágadeaivvadeamit báikkálaš oahppoguovddážiin leat veahkkin ohppiide videokonferánssaid bokte. Oahppu heive sihke dasa gii hálida studeret iehčanassii, dahje dasa guhte hálida studeret ovttas earáiguin. Oahpu lea maid vejolaš heivehit sihke barggu, bearraša ja eará astoáiggedoaimmaid ektui. Studieopplegget passer både for deg som ønsker å studere alene eller sammen med andre, og kan fint kombineres med både jobb, familie og andre fritidsaktiviteter.
Oktasašfágalaš joatkkaoahppu lohkangelbbolašvuhtii ja ollesolbmuidoahpahussii
IDasa lassin sáhtát váldit eaŋkilfágaid:
Buot dát čađahuvvojit guovtti lohkanbajis, oktiibuot ovtta olles jagis. Ollesáiggestudeanttat Deanu oahppoguovddážis mákset 3000 kr juohke lohkanbajis báikkálaš oahppodivvagin lassin almmuhuvvon hattiide. Eaŋkilfágain mávssát 1/6 oasi lohkanbadjedivvagis.
Dalle fitnet čoavddakoartta Deanu oahppoguovddážii ja sáhtát deaivvadit eará studeanttaiguin. Beasat maid geavahit rusttegiid mat mis leat doppe, oktan jođaskeahtes interneahtain justa goas dutnje heive, vrd čoavddakoartasoahpamuš.