Almmuhus: Doaimmat rasismma, vealaheapmi ja vaššás olggosbuktimiid vuostá 2023

Mánáid-, nuoraid-, ja bearašdirektoráhta (Bufdir) almmuha prošeaktaruđaid mat vuosttildit rasismma, vealaheami ja vaššás olggosbuktimiid. Eaktodáhtolaš organisašuvnnat ja eará doaibmit geat leat registrerejuvvon deike Frivillighetsregisteret sáhttet ohcat. Mii rahpat maid ohcamušaide gielddain/fylkagielddain, osku- ja eallinoaidnoservodagain, nu maiddái Oslo gávpotosiide.

Ohcanáigemearri:  ođđajagimánu 4.b. 2023

Olahanjoavku lea olbmot geat čuozahuvvot – dahje čuozahit earáid - rasismmain, vealahemiin ja vaššás olggosbuktimiiguin etnalaš, oskkolaš ja eallinoainnuid dihtii.

Ulbmilin lea lágidit vai báikkálaš, regionálalaš ja nationálalaš áigumušat ja doaimmat maid ulbmilin vuosttildit rasismma, vealaheami ja vaššás olggosbuktimiid etnalaš, oskkolaš ja eallinoainnu dihtii.

Juolludanortnet galgá leat mielde ovddideamen antirasismma, máŋggabealatvuođa ja dialoga, ja maiddái lasihit áddejumi ja diđolašvuođa majoritehtaálbmogis rasismmas, vealaheamis ja vaššás olggosbuktimiin.

Jahkái 2023 lea Bufdir válljen vuoruhit golbma guovllu mat min mielas fertejit  nannejuvvot:

• Deaivvadanbáikkit ja dialogabarggut
• Eastadit rasismma, vealaheami ja vaššás olggosbuktimiid interneahtas
• Vuoigatvuođadiehtu

Doaibmit geain lea ođđa jurdagat ja/dahje prošeavttat mat gieđahallat ieš guđet lágan vealahanvuođuid ávžžuhuvvojit erenoamážit ohcat.

Eanet dieđuid ortnegis ja almmuhusteavsttas gávdno juolludanortnega neahttasiidduin:

https://ny.bufdir.no/tilskudd/tiltak-mot-rasisme-diskriminering-og-hatefulle-ytringer/