Language Language Language Visning: A A A A A
toppbilde

Miessemánu 22.b. 2022:s boahtá sihkkelmátki Detnui

Dát beaivi lea buorre vejolašvuohta joavkkuide, servviide ja ovttaskasolbmuide iežaset ovddidit seammás go mii ávvudit eaktodáhtolašvuođa mii min gielddas gávdno

Sihkkelmátki 2022 lea Norgga Eaktodáhttoguovddážiid signálalágideapmi Eaktodáhtolašvuođa jagis ja bovde ovttasbargui ollu eará organisašuvnnaiguin sihkkelmátkái mii manná miehtá riikka! Ovttas galgat mii sihkkelastit, vai ásahit buriid ja searvadahtti báikegottiid. Mátki vuolgá Davvenjárggas ja gitta Arendal-vahkkui, miessemánu 21.b. rájes borgemánu 22.b. rádjái 2022:s. 

Frivilligsentral-LOGO

Mii háliidit ráhkadit ollu doaimmaid Deanus go sihkkelmátki bisána dáppe, buolvvaid ja aktivitehtadásiid rastá. Mii háliidit oktavuođa joavkkuiguin/servviiguin ja ovttaskasolbmuiguin geat háliidit fárus ráhkadeame buori čalmmustahttima eaktodáhtolašvuođas mii Deanus gávdno

Dii sáhttibehtet válljet gosa ja masa háliidehpet searvat (ovdamearkka dihte čájáhus- ja diehtojuohkinbevddiin dahje searvat doallame aktivitehtaid buolvastohkosiid bokte).

Bovdet joavkkuid/servviid ordnet čájáhus- ja diehtojuohkinbevddiid gos sáhttet čájehit iežaset aktivitehtaid Deanu ássiide – Buresboahtin searvat!

Rukto álgá ja bisána seamma báikkis.

Vuolgga Deanu Máŋggageavahushállas - Per Fokstad geaidnu -  Ringveien-Helsestien  -Deanu Fuolahusguovddáš – Helsestien – Ringveien - Sámiid Valáštallanlihttu - Norga - Kathrine Johnsen Geaidnu -Ráđđevistegeaidnu - Shell meaddel Deanovuonageidnui, vulos birravuodjima E6 - badjel Deanu šalddi-birravuodjima E6 olgešguvlui Govddiide/fuom Ruovttoluotta Goavddit - E6 gurutguvlui birravuodjimis badjel Deanu šaldi – birravuodjin – Deanovuonageaidnu - gurut guvlui Ringveien – Lions visti – Ringveien – Helsestien -Ringveien - Per Fokstad Geaidnu- Deatnu

Mii plánet vuolgga ja bisáneami hálla luhtte gosa mii čohkket Deanu álbmoga álbmotfestii Eaktodáhtolašvuođa jagi oktavuođas, doppe sáhttit maiddái čoahkkanit vistái. “Ruvttus” mii háliidit ee. Ahte iešguđet joavkkuin leat  čájáhus- ja diehtojuohkinbeavddit, ja ahte juste du/din joavku searvá dása. Ruovttoluottaboahtimis Máŋggageavahushállii guossohuvvo gáffe, gáhkut, soaitá nai biebmu

 

Mii háliidit ráhkadit oktasaš feastta, loktet ja čájehit min suohkana eaktodáhtolašvuođa, buolvvaid ja identitehtaid rastá, dán ráiddus bohtet leat ee. 6 El- mielčuovvu sihkkela, riikaviidosaš mediat, ja diehttelasat mii áŋgiruššat čájeheames min čáppa gieldda, ja searválaga bures lihkostuvvat doaluiguin mat leat eaktodáhtolašvuođa, joavkkuid, servviid, kultuvrra, servodaga váste

Pilohtasihkkelastit bohtet sihkkelastit 6 El-sihkkeliin ja sis lea mielčuovvu

Vuođđun Sihkkeltuvrii 2022 lea Norgga Eaktodáhtolašguovddáža bargu ráđđehusa kvalitehtaođastusain Olles Eallima eallit. Mii leat dahkan áigumuššiehtadusa dearvvašvuođadirektoráhtain, gos ulbmil lea mobiliseret ja doarjut báikkálaš EG:id searvat bargui bidjamis ođastusa gielddaid áššelistui.

2022 lea Eaktodáhtolašvuođa jahki. Jahkái lea vuođđun ráđđehusa Eaktodáhtolašvuođadieđáhus. Ráđđehus lea mearridan čalmmustahttit 2022 Eaktodáhtolašvuođa jahkin. Jahki galgá čalmmustahttit eaktodáhtolaš organisašuvnnaid ja eaktodáhtolašvuođa politihka Norggas. Ulbmil lea váikkuhit eanet searvamii, girjáivuhtii ja čalmmustahttimii eanetárvvus maid eaktodáhtolaš suorgi buktá servodahkii. Buot organisašuvnnat, joavkkut, searvvit, eaktodáhtolašguovddážat, gielddat ja eará ovttasbargoguoimmit bovdejuvvojit čalmmustahttit eaktodáhtolašvuođa. Jahki čalmmustahttojuvvo davvin lulás. Eanet dieđuid gávnnat čujuhusas frivillighetensår.no

Ulbmil lea čalmmustahtti searvevuođa ja ovttaskasolbmuid dehálašvuođa resursan. Čuvget eanetárvvu go dovdá son lea fárus ja ávkin servodagas, ja vásihit buriid gaskavuođaid árgabeaivvis. Ovttas galgat mii ordnet dili vai ovttaskasolbmos galgá vejolaš geavahit iežas resurssaid, veahkehit ja searvat doaimmaide ja báikegottiide. Vai eambbogat sáhttet eallit buriid eallimiid doaimmalaččat iežaset dearvvašvuođa ja eallinhálddašeami dáfus, go mii loktet ovdan ahkeustitlaš servodaga ja girjáivuođa. Buoret dearvvašvuođa ja buoret eallinkvalitehta váste. Mii galgat vuolidit cakkiid ja duddjot beroštumi, motivašuvnna ja movttiidahttit searvamii ja aktivitehtaide buolvvaid, kultuvrraid, organisašuvnnaid ja servviid rastá. Guovddážis lea ovttas čoavdit servodathástalusaid.

https://frivillighetensar.no/

https://sykkelturen2022.no/

 

Mii sávvat dii buot searvvit Joavkkut, Searvvit ja Eaktodáhtolaččat searvabehtet dása!

Ja váldibehtet oktavuođa searvat mielde Miessemánu 1.b.2022 rádjái

Deanu valáštallanráđiin, Lise Marianne Johanseniin, maila bokte

L-marjoh@online.no

 

Gažaldagaid dáfus čuojahehpet áinnas Mariannii 46400278