Language Language Language Visning: A A A A A
toppbilde

Cealkámuš gielddahoavddas – Stáhtus Deanu gielddas ja geaidnu ovddos guvlui

Sivas dáid lagaš áiggiid mediačállosiid geažil Deanu gieldda birra de oaivvilda gielddahoavda iežas strategalaš jođihanjoavkkuin ahte lea dehálaš buktit cealkámuša dan oktavuođas.

Dás čujuhuvvo erenoamážit reivii mii boahtá Deanu gieldda personálaossodagas gos fuolastuvvo Deanu gieldda viesu bargobirrasa geažil. Reive vuostáiváldo albma duođalašvuođain.

Mii háliidat rámidit bargiid geat muitalit go sii dovdet ahte áššit eai leat nu mo galget leat. Jođiheaddjit Deanu gielddas háliidit virgádit bargiid geat beroštit ja váldet sáni ja bivdet rievdadusaid. Deanu gielddas galgá leat dorvvolaš dieđihit ja bargiin galgá leat luohttámuš dasa ahte fuolastuvvon dieđut čuovvuluvvojit. Dan láhkai ráhkadat mii rabas gieldda go lea innovašuvdna ja ovdáneapmi mii bastá vuostáváldit servodaga mii dađistaga lea rievdadusas.

Lea hui hástaleaddji dilli Deanu gielddas. Stuorra njihtan ášši mii mielddisbuvttii dan ahte guokte njunuš jođiheaddji gárttaiga virggiid ja diggi lea fargga álgimin. Dat lea guođđán muhtun lágan vakuuma ja stuorra čorgenbarggu. Dat lea leamaš máđoheapme ja váttis leat guovdu doppe, sihke jođiheddjiide ja bargiide.

Ođđa gielddahoavda álggii borgemánus 2021:s. Gielddas ii leat odne mange lágan bajimuš systemáhtalaš ja plánalaš ođđa bargiid introdukšuvdna. Mii leat bargamin dainna.

Strategalaš jođihanjoavku lea doaibman gielddahoavdda ráđđeaddin orgána vuosttaš beaivvi rájes. Dan rájes lea gielda čađahan váttis bušeahttaproseassa. Viidásat lea eahpečielggasvuohta dan stuorra, plánejuvvon, siskkáldas nuppástuhttinproseassas, nu maiddái ovttasbargoprošeavttat eará gielddaiguin (4K). Dan lassin leat boahtán váidagat gieldda jođiheddjiid vuostá, dasa gullá maid gielddahoavda.

Luohttámuš lea varasdávvir mii ferte dađi mielde bajásdollot ja jotkkolaš váttis áššiid háleštallan bokte, bisuhit čielga kommunikašuvdna speallannjuolggadusaid das mo mii gieđahallat soahpatmeahttunvuođaid. Dainna fertet mii maiddái gieldda jođiheamis bargat.

Gielddahoavda háliida ovttas strategalaš jođihanjoavkkuin muitalit ahte man dehálačča leat buohkat geat barget Deanu gielddas. Mii luohttit dan bargui maid dii bargabehtet sin várás geat geavahit min bálvalusaid. Mii diehtit ahte min bargit adde dan divrasamosa mii sis lea, namalassii min áigi, Deanu gildii ja áŋgiruššet juohke beaivvi.

Mis leat ollu buorit ášši min vuordimin. Mii áigut bargat guhkesáigásaččat vai šaddá ortnet min organisašuvnnas, buriid struktuvrraid ja rutiinnaid ovdii, stuorát bargiid oassálastin, buoret jođiheapmi, kompetánssa ja rekrutteren ovdii. Go mis lea siskkáldasat buorre dilli de dat oidno maid olggos  guvlui bálvalusain maid Deanu gielda fállá Deanu álbmogii.

Mii bidjat vuođđun Deanu gieldda árvvuid mat leat rabasvuohta, ovddasvástádus, fuolahus ja gudnejahttin mii galgá oidnot min beaivválaš  barggus ámmát doaibmin. Nuppástuhttin lea garra bargu. Mii sávvat dii doarjubehtet gielddahoavdda ja strategalaš jođihanjoavkku das mii lea boahtimin.

Dearvvuođaiguin

Inger Eline Eriksen Fjellgren, gielddahoavda

Heidi Wilgård, oahpahus jođiheaddji

Jakob Lanto, konstituerejuvvon dearvvašvuođa ja fuolahusa fágajođiheaddji

Arnfinn Bønå, doaibmajođiheaddji bargit/doarjja

Solveig Therese Halonen, huksen ja ráhkadus  doaibmajođiheaddji

Frank Martin Ingilæ, ovdánahttinossodaga doaibmajođiheaddji

DSC03403.jpg

Bilde: Frank Martin Ingilæ