Language Language Language Visning: A A A A A
toppbilde

Buot njealját ceahkálaččaide Norggas: Vuolget mielde Báhtterbivdui 2022!

Báhtterbivdu lea somás, birasustitlaš ja oahppevaš gilvu, mii sihke ráhkada beroštumi ja oktavuođa ceahkis. Dan rájes go Báhtterbivdu álggahuvvui 2013:s, de leat viššalaš báhtterbivdit čoaggit badjel  686 tonna báhtteriid, ja mii sávvat ahte dán jagi njealját ceahkálaččat dahkat seamma buorre barggu birrasa ovdii!

Dieđiheapmi ja eanet informašuvdna gávdno dákko batterijakten.no.

Birasageanttat lágidit Báhtterbivddu logát geardde njukčamánu 14.b. rájes gitta cuoŋománu 3.b. 2022 rádjai! Ovddeš Newton-prográmmajođiheaddji ja NRK Unormal-personligheten Stian Sandø ja birasageanta Iben leat joavkkus mielde, ja áigot inspireret ja movttiidahtti báhtterbivdiid ahte sii ráhkadit ođđa olahusa. Mii illudat álggahit dán jagáš stuorra skuvlaakšuvnna birra bealis!

 2AAAAAElFTkSuQmCC

 

Birasageanta Iben ja Stian Sandø leat ambassadevrrat Báhtterbivddus 2022!

 

Báhtterbivddus galget oahppit čohkket geavahuvvon báhtteriid, ja fuolahit vai dat ođđasis fas geavahuvvojit amas dat gártat luniid jovkui, dahje vel vearrát – lundui. Gilvvu áigodagas de almmuhuvvo juohke ođđa fáddá, masa gullet miellagiddevaš doaimmat maid oahppit galget čoavdit  dađi mielde. Dat fáttát leat ođđasisgeavaheapmi, ođadeaddji energiija ja birasustitlaš hutkosat.

 

Ceahkki mii boahtá vuosttaš sadjái oažžu olles 20.000 ruvnnu, maid mii ávžžuhat geavahit birasulbmiliidda/vai oktavuođa nannejuvvo ceahkis. Juohke vahkus vuorbáduvvo kreativitehta ja oassálastin govvagilvvu bokte neahttasiidduin. Buohkat sáhttet vuoitit govvagilvvus, beroškeahttá das man ollu ceahkki lea čohkken báhtteriid. Dan lassin vuorbáduvvo fylkavuoiti juohke fylkkas, gos lea maid vejolašvuohta vuoitit ruhtavuoittuid olles ceahkkái. Loga eanet vuoittuid birra dákko regler og premier.

 

Oahpponeavvut: Relevánta ja beaiváduvvon oahpponeavvut leat gávdnomis neahttasiidduin dál juo maid sáhttá geavahit áibbas friija. Oahpahusdoaibma deavdá kompetánsamihtuid luonddufágas, servodatfágas ja matematihkas, nu ahte ovttaskasolbmot sáhttet geavahit Báhtterbivddu oahpahusas. Buohkat geat oassálastet, ožžot diploma ja buoremus báhtterbivdit vuitet ruhtavuoittuid mat bohtet ávkin olles ceahkká!

 

Jagis 2021 čohkkejedje njealját ceahkálaččat veadjemeahttun meari mii lei badjel 120 tonna báhttera! Mii illudat oaidnit ollu go dán jagáš báhtterbivdit nagodit čoahkket!

 

Lea dieđusge áibbas nuvttá leat mielde Báhtterbivddus. Gilvu addá ohppiide vejolašvuođa oahppat eanet ođđasisgeavaheami birra ja mo sáhttá leat čeahpit váldit vára máilmmi resurssain.

Dieđiheapmi ja eanet informašuvdna gávdno dákko www.batterijakten.no

Birasageanttat lea mánáid luonddusuodjalanorganisašuvdna. Mii háliidat ráhkadit bistevaš ja čoavdinvuohkedoaimma luonddu bealis ja birassuodjaleami mánáid gaskka mii lea sin eavttuid mielde. Mii bargat dan ovdii vai mánát ožžot jáhkku alcceseaset boahtteáiggis, ja ahte dat veahkehat bargat juoidá. Báhtterbivddus bargat mii ovttas Clas Ohlson, Batteriretur ja batteriprodusenten VARTA.


Birasustitlaš dearvvuođaiguin

Birasageanttat
Tel: 969 01 820
E-poasta: batterijakten@miljoagentene.no