Language Language Language Visning: A A A A A
toppbilde

Gielddalaš golmmabealát ovttasbargu Deanu gielddas

Prošeakta ásahit luohttámuša ja šattolaš ovttasbarggu politihkkariid, gielddalaš jođihangotti ja luohttámušolbmuid gaskkas.

Ovdagoddi lea ovdal mearridan álggahit golmmabealát ovttasbargoprošeavtta Deanu gielddas.

Trepartssamarbeid.png

Ulbmil lea bargat ovttasbargokultuvrra guvlui gos buot gieldda resurssat geavahuvvojit buoremussan ássiide. Gielddalaš golmmabealát ovttasbarggus politihkkárat, gielddalaš jođihangoddi ja bargit ja luohttámušolbmot barget vuogádatlaččat ovttas organisašuvdnaovdánemiin, ovdamearkka dihte ollesáiggekultuvrrain, buohcanjávkamiin, gealboovdánemiin ja rekrutteremiin.

Dán prošeavtta ferte geahččat oktavuođas dainna ahte Deanu gielda galgá álggahit stuorát ja guhkesáigge organisašuvdnaovdánahttinbarggu olles organisašuvdnii. Gielddalaš golmmabealát ovttasbargu gaskal politihkkáriid, gielddahálddahusa ja luohttámušolbmuid buktá nannema ovdánahttinproseassain ja ovddida buriid prošeaktabohtosiid. 

Plánejuvvon golmmabealát prošeavttas Fágalihtu bealis Fágalihtu nuppástuhttinovttadaga ráđđeaddit veahkehit ja addet proseassabagadallama nuvttá Deanu gildii.

Fagforbundets omstillingsenhet Unni Bjerregaard Moe og Torstein Amdal og kommunedirektør Inger Eline Eriksen Fjellgren.png

Unni Bjerregaard Moe, Fágalihtu nuppástuhttinovttadat, Gielddadirektevra Inger Eline Fjellgren, Torstein Amdal, Fágalihtu nuppástuhttinovttadat (Stábagovva)


Odne duorastaga 24.02.2022 lea Hálddahuslávdegottis leamaš álggahanseminára masa politihkkárat, hálddahuslaš jođihangoddi, váldoluohttámušolbmot ja váldosuodjalusáittardeaddjit leat searvan. Lágideames sii ságastalle Deanu gieldda ovddas guvlui hástalusaid, nugo váilevaš luohttámuš organisašuvnnas ja organisašuvdnii, hástaleaddji gielddaekonomiija ja váilevaš báikkit gos sáhttá humadit ovttas. Dađi deháleappot lei ságastallat movt mii galgat bargat ovddas guvlui, oktasaš geaidnu ja mihtut.  Lei maid ságastallan rollaid ja vuordámušaid. 

Joatkan ásahuvvo prošektii stivrenjoavku mii mearrida bajitdási guovdilastinsurggiid, mihtuid ja doaimmaid. Doaibmadásis galget ceggejuvvot ovdánahttinjoavkkut mas leat fárus suodjalusáittardeaddjit ja bargosajiid luohttámušolbmot.

Samarbeid lønner seg.png