Language Language Language Visning: A A A A A
toppbilde

Gieldda kompensašuvdnaortet báikkálaš ealáhusaide riekkis 1-2 ja 6

Deanu gielda lea ožžon ru. 392 000 gieldda kompensašuvdnaortnegii báikkálaš doaimmaide ráđđehusa 6. juolludanrieggás mii bođii juovlamánus 2021.

Departemeanta lea maid addán maŋideami juolludemiid áigemearrái mii juolluduvvui gildii guovvamánus 2021 (ru 260 954) ja cuoŋománus 2021 (ru 250 000). Deanu gieldda áigemearri lea biddjojuvvon ođđajagimánu 31.beaivái 2022 guktuid juolludemiide.

Gielddas lea dalle oktiibuot ru 902 954 juolludan láhkai ohcamušrieggái.

Deanu gildii lea juolluduvvon ru 902 954 gieldda kompensašuvdnaortnegii báikkálaš doaimmaide. Ruđat leat boahtán Gieldda- ja ođadahttindepartemeanttas jagis 2021. Juolludeami ulbmilin lea addit gildii buoret vejolašvuođa veahkehit báikkálaš doaimmaid geat ain leat gillámin pandemiija geažil, sihkkarastit likviditehta doaimmain ja geahpidit ekonomalaš konsekveanssaid Covid-19-pandemiija geažil.

Juolludeapmi galgá gokčat:

Doaimmain main lea leamaš táhpa gávpejođus/sisaboađuin mii lea čuvvon covid-19-pandemiijas dahje dan čuovvovaš ekonomalaš vulosjohtimis. (Táhpa mihtiduvvo go leat geahppánan sisaboađut jagis jagis 2021- 1. kvartálii 2022 go veardida sullasaš normála jagiide dego jahkái 2019).

Doaimmat gos leat lassánan golut doaimmaid geažil mat eastadit covid-19 leavvama, ja golut mat njuolga čatnasit covid-19 vuollekonjunktuvrii.

Doaimmat mat táhpejit gálvvuid covid-19-pandemiija geažil.

Juolludeapmi galgá leat likviditehtadoarjja ja ii galgga gokčat ovdánahttinprošeavttaid.

Doarjja addojuvvo doarjagiid njuolggadusaid vuolul, ja addojuvvo njuolggadusaid vuolul mat leat dan ođđa notifiserejuvvon ortnegis kap. 553 vuolde poasta 68 gieldda kompensašuvdnaortnet stáhtabušeahtas 2021. Eanet ortnega informašuvnna gávnnat departemeantta neahttasiidduin. Ohcamuš sáddejuvvo sierra ohcanskoviin ohcanportála bokte www.regionalforvaltning.no.
Ohcanáigemearri: ođđajagimánu. 19.b. 2022.

Dákko sáddejuvvo ohcamuš sisa : https://www.regionalforvaltning.no/Startside/VelkommenStotteordning.aspx?Forvalter=Tana+kommune#

Kriteriat:

  1. Ortnet guoská smávva ja gaskasturrosaš fitnodagaide geain lea fitnodatčujuhus Deanu gielddas fitnodatsurggiin: guossuheapmi, idjadeapmi, lágideamit, mátkeealáhus ja lášmmohallan.
  2. Okta eaktu lea ahte fitnodagas galgá leat leat dienastáhpa 2021.s dahje vuosttaš kvartálas 2022:s veardiduvvon jahkái 2019. Sáhttá maid guoskat oassái/ossodagaide doaimmas.
  3. Fitnodagas galget leat fásta bargit dahje sisa láigohuvvon resurssat mat vástidit minima 1 jahkedoaimma. Smávva doaimmat gos leat bargit dahje sisa láigohuvvomat gos dat ožžot váldobálkká eará bálkáhuvvon barggus dahje ealáhagas, eai veardiduvvo.
  4. Jus ii leat vejolaš juolludit buot ohcamušaide, de biddjo alimus rádjá ru. 250.000 doarjagii juohke doibmii dán juolludanrieggás

Golut ja táhpat mat kompenserejuvvojit:

  1. Dienastáhpa mii lea čuvvon Covid-19 pandemiijas
  2. Garvvekeahtes fásta golut mat leat boahtán go lea gártan giddet dahje leat boahtán restrikšuvnnain.
  3. Golut ođđa eretcealkimiid geažil doaimmain mat leat bákkohuvvon giddejuvvot
  4. Lassigolut mat leat čuvvon njoammunsuodjalandoaimmaid geažil
  5. Táhpat mat leat boahtán go lea gártan duššadit gávpegálvvuid beaivemeriid dihtii dahje eará fuones beliid dihte

Mii bivdit čuovvovaš dokumentašuvnnaid:

  1. Čilge likviditehtii gullevaš hástalusaid fitnodagas mat leat boahtán koronas.
  2. Gávppašeami táhpat 2021:s ja/dahje 1. kvartálas 2022:s veardiduvvon jahkái 2019 (normála jahkái), go mielddusin bidjá rehketdoalu. Ohcciin geain lea ossodatrehketdoallu ferte rehketdoallu duođaštit.
  3. Mielddusin bidjat goluid logahallama mat čuvvot čuokkaslista bajábealde (dušše jus ii sáhte čájehit gávpejođu táhpa).
  4. Čilget doarjjajuolludemiid stáhtas jagis 2020 ja 2021. Ohcci ferte čilget leago doaibma ožžon ovdal stáhtadoarjagiid ja doarjjasupmi.
  5. Bija mielde dokumentašuvnna eretcealkimiin ja geat ožžon beaiveruđaid.
  6. Bija mielde vearroduođaštusa.
  7. Áiddo álggahuvvon firpmát sáhttet bidjat mielde omd. áigodaga bušeahta kontra duođalaš ruhtajođu.

Doarjja rehkenasto árvvuid mielde ohcanvuođu mielde, dokumentašuvnna, galle ohcamuša ja vejolaš doarjjaruđat mat leat juohkin láhkai.

Gažaldagaid sáhttá čujuhit ovdánahttinossodaga jođiheaddjái Frank M. Ingilæ, mátketel. 46400260 dahje e-poasta frank.ingila@tana.kommune.no


Buot ohcamušat meannuduvvojit sierra čoahkimis meahcce- ja ealáhus váldolávdegottis (HUN) ođđajagimánu 25.b. 2022.

Mii muittuhat ahte dieđut mat addojuvvojit ohcamuša mielde, lea álgoálggus juo almmolačča almmolašvuođalága mielde. Jus don dattetge háliidat addit dieđuid mat sáhttet leat jávohisvuođageskkolačča dahje čilgejit gilvvohallan diliid, ávžžuhat mii daid lastet mielddushápmin ohcamuša mielde ja seammás bivdit ahte gielda váldá áššiid olggobeallai almmolašvuođa.