Language Language Language Visning: A A A A A
toppbilde

Guokte positiiva teastta čatnasit Deanušaldi skuvlii – skuvla dollojuvvo gitta vuossárggas gaskavahkkui

Skuvlahálddašeapmi dieđiha beaivve mielde lagabut váhnemiidda / fuolaheddjiide ja bargiide.  

Guokte olbmo, okta bargi ja oahppi, leat odne testen Covid - 19 positiivan jođánisteasttain. Olbmot eai gula seamma dállodollui.  Várra sáhttá leat njoammunbálggis nuppi olbmos ahte sáhttá leat Omikron- variánta.  Dat sáhttá nannejuvvot / eret nannejuvvot easkka PCR- teastta bokte, mas vurdojuvvojit bohtosat gaskavahkkui. 

Kriisajođiheapmi lea čoagganan odne ja ráđđádallan sihke Fylkadoaktáriin ja gielddahoavdadoaktáriin. Gielddahoavdadoavttir lea mearridan oažžut oppalašgova ja dili háldui dan dihtii dollojuvvo Deanušaldi skuvla gitta áigodagas 6.- 8.12.  Váldojuvvo ođđa dilleárvvoštallan 8.12.

Galgá biddjojuvvot viiddis testen ihttá rájes ja buohkaide geasa testen gullá singuin váldá skuvlahálddahus oktavuođa. Buot bargit ja oahppit Deanušaldi skuvllas bivdojuvvojit garvit lagaš oktavuođaid muhtun áigá doppe gos lea vejolaš, ja rávis olbmot ja oahppit badjel 12 jagi bivdojuvvojit geavahit njálbmesuoji jus ii leat vejolaš garvit lagašoktavuođaid earáiguin.  

Buohkat geat leat leamaš gávppašeamen mannan vahkus márkanguovllus galget erenoamážit fáktet vejolaš symptomaid ja doallat vuollegis testenšealmmá. 

Gieldda oktavuođaolmmoš media guvlui lea sátnejođiheaddji Helga Pedersen. 

 

Mii muittuhat ahte pandemiija ii leat vel meattá ja ahte leat váldon atnui nationála oktavuođageahpedeaddji ávžžuhusat:

- Dollet gaskkaid earáide, millosit mehter gaskka gos dat lea vejolaš. Garvve salodemiid (ođđa) ja dearvvahemiid. Geavat njálbmesuoji go ii leat vejolaš doallat gaskkaid. 

- Ávžžuhusat ahte bargosajit dollet ruovttukantuvrraid doppe gos lea vejolaš dan láhkai ahte ii hehtte dehálaš ja dárbbašlaš bálvalusaid, ja ahte bargit barget ruovttus olles dán vahku dahje oasi das, ovdamearkka dihtii dan láhkai ahte lohku šaddá leat 50 proseantta (ođđa)

- Mii ávžžuhat ráves olbmuid árvvoštallat geahpehit lagašoktavuođaid (ođđa).

- Dat leat nationála ávžžuhusat geavahit njálbmesuoji go lea oktavuođas dearvvašvuođa- ja fuolahusbálvalusain.

Muitet buorre giehta- ja gossanhygiena!

Jus buohccát, oro ruovttus dassážii go beasat iežat testehit!

DROPP-INN testen vuossárgga 6.12. dii 9-15 lea Helsestien 34 (visti mii lea dearvvašvuođaguovddáža