Language Language Language Visning: A A A A A
toppbilde

Gielddahoavdadoavttir dieđiha

Informašuvdna njoammunsuodjalandoaimmain skuvllain ja mánáidgárddiin Deanu gielddas

 

 

Njoammunsuodjalanrávvagat mat leat covid-19 várás vuođđudit seamma prinsihpaid ala go mat ledje ovdal go ođđasit rahppojuvvui čakčamánu 25.b. dán jagi. Vuođđonjoammunsuodjalandoaimmat, dan ahte galgá bissut ruovttus go lea buozas ja buorre giehta- ja gossanhygiena, doibmejit maiddái daid ođđa variánttaid ja eará vuoigŋanbohccevirusiid vuostá. Vuosttamužžan leat olbmot geain leat symptomat geat njoammudit, ja njoammudeapmi lea stuorámus dalle go symptomat bohtet. Danne áigut mii rávvet sin bissut ruovttus go leat symptomat vai geahpidat njoammuma beroškeahttá makkár vuoigŋanbohccevirus dal leažžá.

Jus čájehuvvo ahte muhtun bargis dahje skuvlaoahpis dahje mánáidgárddis lea covid-19, de gártá dat olmmoš biddjot sirremii. Ii leat šat gáibádus erremii dearvvaš bearašlahtuide dahje lagašoktavuođaide, muhto dálloássit galget čuovvuluvvot dearvvašvuođalágádusas. Mánát ja nuorat mánáidgárddiin ja skuvllain sáhttet mannat skuvlii ja mánáidgárdái nu guhkká go sii leat dearvvas. Mánát ja nuorat hárve buohccájit garrasit covid-19 dávddas, dat guoská maid mánáide geain leat garra ja kronalaš dávddat dahje dilit. Go mánát dábálaččat eai buohccá nu garrasit, de danne njoammudit ge uhccán.  

Seamma njuolggadusat gusket maid váhnemiid mánát geat njoammuduvvojit. Sii čuovvuluvvojit dearvvašvuođalágádusas ja sáhttet mannat mánáidgárdái dahje skuvlii, jus sii leat dearvvaš.

Vuođđonjuolggadusat mat dál gustojit, ja maid Deanu gielda čuovvu, leat:

  1. Buohcci olbmot eai galgga leat skuvllas/mánáidgárddis. Dehálamos njoammunsuodjalandoaibma lea ahte buohcci olbmot orrot ruovttus.
  2. Buorre hygiena. Gossanhygiena lea dehálaš vai geahpida goaikkanasnjoammuma, go fas giehtahygiena lea dehálaš guoskkahannjoammumis.
  3. Buorre čorgen. Buorre čorgen eastada eahpenjuolgga guoskkahannjoammuma. 

Eanet informašuvnna gávnnat dákko https://www.fhi.no/nettpub/coronavirus/andre/smittevern-i-skoler-og-barnehager/?term=&h=1

Mánáidgárddit- ja skuvllat Deanus leat pandemiija áiggis ráhkadan buorre plánaid gáhtačuovgamálle ektui, vai dárbbašlaš doaimmat johtilit biddjojuvvošit johtui jus álbmogis lassána njoammudeapmi dahje skuvlii- dahje mánáidgárdái boahtá dávda. Dábálaš skuvla-/mánáidgárdebeaivi lea dehálaš mánáid dearvvašvuhtii, ja leage nationála áigumuš ahte mánáidgárddit ja skuvllat dollojuvvojit rabas.

 

Kjell Magne Johnsen

Gielddahoavdadoavttir

 

til norsk versjon: https://tana.custompublish.com/informasjon-om-smitteverntiltak-mot-koronavirus-i-skoler-og-barnehager-i-tana-kommune.6419589-51331.html