Language Language Language Visning: A A A A A
toppbilde

Ođaduvvon info vuossárgga 01.11.21 dii. 8.00 - PCR teasta lei negatiiva

Vuot okta koronadáhpáhus Deanus - fálska boađus jođánisteasttas

Jođánisteasta mii váldojuvvui bearjadaga 29.10.21 čájehii fálska bohtosa. PCR teastta boađus mas lea otná beaivi lei negatiiva. 

Dáhpáhuvvá muhtumin ahte jođánisteasta čájeha boastto dieđu. Danne lea dehálaš ahte sii geat testejit positiivan jođánis teasttas testejit iežas maiddái PCR-teasttain. 

Okta olmmoš lea testejuvvon positiivan odne. Lea maiddái váldojuvvon PCR-teasta, masa mii vuordit vástádusa 2 beaivvi geahčen. Vejolaš njoammudanbálggis lea eahpečielggas. Olmmoš lea dievasboahkuhuvvon ja sus leat láivves symptomat. Eará bearašlahtut leat testejuvvon negatiivan.

Gildii leat váldán máŋga fuolastuvvon váhnema oktavuođa geain leat mánát mánáidgárddiin ja skuvllain. Nationála njuolggadusat mat gustojit čakčamánu 25.b. rájes lea ahte mánát galget mannat mánáidgárdái ja skuvlii nu guhkká go sii leat symptomaid haga. Mánát geat ožžot symptomaid dahje testejit positiivan galget orrut ruovttus. Mii ávžžuhat buohkaid, sihke mánáid ja rávvásiid, testehit iežaset jus ožžot symptomaid. Loga maiddái Álbmotdearvvašvuođainstituhta rávvagiid ja informašuvnna mii guoská mánáide ja nuoraide dákko https://www.fhi.no/nettpub/coronavirus/befolkningen/barn-og-unge/?term=&h=1

Buohkain geain leat covid-19 symptomat ávžžuhuvvojit testehit iežaset, beroškeahttá makkár boahkuhanstáhtus sus lea. Boahkokeahtes lagašoktavuođat ávžžuhuvvojit testehit iežaset.

Koronateastta sáhttá diŋgot telefovnna bokte : 400 05014. Telefovdna bálvala vuossárggaid – bearjadagaid dii. . 9:00- 11:15 

Dákko sáhtát lohkat eanet mo galggat diŋgot alccet koronateastta; https://www.tana.kommune.no/koronatelefon-400-05-014.536116.no.html

Mii muittuhat ahte pandemiija ii leat vel meattá ja njoammunlogut loktanit máŋgga sajis.

Muitet buorre giehta- ja gossanhygiena. 

Dollet gaskkaid doppe gos lea vejolaš.

Jus oaččut symptomaid fertet orrut ruovttus dassážii go leat testehan iežat. 

 

Koronaboahkuheapmi máŋggageavahushállas, gaskavahku 3.11.21

Jus it leat váldán koronaboahku, de lea vejolašvuohta vuot boahtte vahkus dan oažžut.  Loga sierra info dan birra dákko: https://www.tana.kommune.no/koronavaksinering.6418873-51331.html