Language Language Language Visning: A A A A A
toppbilde

Ohcanáigemearri viiddiduvvo cuoŋománu 14.b. rádjái

Ohcat Báhčinveaga gielddalaš vahátbáhčinjovkui

Deanu gielda ohcá 4 ođđa bargi vahátbáhčinjovkui. Joavkkus lea báhčinjođiheaddji ja bivdit geain leat bistevaš bargošiehtadusat gielddain. Báhčinbargu lea go Fylkkamánni dahje Birasdirektoráhtta lea addán lobi vahátbáhččit boraspiriid (guovžža, albasa, gumppe ja gonagasgoaskima).

Bargi ovddasvástádus:

  • Searvat bivdin gielddalaš báhčinjovkui dalle go Deanu gielddas geahččalit vahát báhčit elliid
  • Searvat vahátbáhčinjoavkku báhčinhárjehallamiidda.

Gelbbolašvuohta:

  • Registrerejuvvon bivdoregistaris, galgá leat vearjokoarta ja čađahan jahkásaš báhčingeahččaleami fuođđuide ja leat registrerejuvvon liseansabivdin
  • Lea viiddis bivdohárjáneapmi, ovddemusat ovddežis vásáhus boraspirebivdduin (vahátbáhčinjoavku ja/dahje earrebivdu, liseansabivdu)
  • Buorit ovttasbargonávccat
  • Buorre fysalaš veadju
  • Vuodjinkoarta luohkká B

Earret dán deattuhit dáid beliid:

  • Oahppu ja kurssat relevánta surggiin, nugo boraspirebivddus, fuođđobivddus, guorrat lápmašuvvan fuođđuid (elliid), luondduhálddašeapmi, vuosttašveahkki ja sihkarvuohta (DBS).
  • Dovdat guohtun- ja meahcceguovlluid gos vahátbáhčimat galget čađahuvvot
  • Persovnnalaš heivvolašvuohta

Eaktuduvvo bargis lea vejolašvuohta váldit friddja eará barggus unnimusat 2 beaivvi maŋŋálaga go báhčingeahččaleapmi bistá guhkit áigge.

Gielda bargoaddin sáhttá fállat bargošiehtadusa dákkár eavttuiguin:

  • Dábálaš beaivebuhtadusa juohke beaivvi ovddas go báhčingeahččaleapmi čađahuvvo boraspireláhkaásahusa § 9a vuođul
  • Jahkásaš gearggusvuođabuhtadusa
  • Kurssaid / fágalaš ođasmahttima
  • Báhčinhárjehallama šiljus,  lihkadeaddji moalaid vuostá ja fealtaláhtus.
  • Jahkásaš báhčima fuođđobivdogeahččaleapmái/báhčingeahččaleami guovžabivdiide.
  • Luođaid báhčinhárjehallamiidda ja máksit báhčingeahččalemiid.

Bargošiehtadusa ohcama sáddet Deanu gildii, gaskavahku, cuoŋománu 14. b. 2021 rádjái. CV ja kopiijat ateasttain, kursaduođaštus ja bivdoregisttarduođaštus, ja báhčingeahččaleami duođaštus biddjo ohcama mielde. Ávžžuhit nissonolbmuid ohcat.

Ohcan sáddejuvvo e-poasttas čujuhussii  postmottak@tana.kommune.no dahje reivve mielde čujuhussii Deanu gielda, Rådhusveien 24, 9845 Deatnu. 

Gažaldagaid dáfus váldde oktavuođa Erlend Eide, tlf: 46400269, epoasta: erlend.eide@tana.kommune.no.