Language Language Language Visning: A A A A A
toppbilde

Gulaskuddanreive - Láhkaásahus ja báikkálaš oahppoplána váldit atnui sámegiela buot ohppiide Deanu vuođđoskuvllas

Buot áššebealálaččat – mánát, oahppit, fuolaheaddjit,
Bargit, organisašuvnnat čatnašuvvan mánáidgárddiide ja skuvllaide
 

Deanu gielddastivra lea mearridan 29.11.2019 áššis 47/2019 váldit sámegiela geatnegahtton fágan buot vuođđoskuvllain Deanus skuvlajagi 2020-2021 rájes. Nu jođánis ásaheapmi ii lean vejolaš čađahit máŋga siva dihtii nu ahte ásaheapmi lea čakčat 2021 rájes. 

Dasa lea ráhkaduvvon evttohus “Láhkaásahus oahpahussii sámegielfágii buohkaide geat leat vuođđoskuvllas” ja evttohus dása “Sámeoahppoplána buohkaide”. Plánat sáddejuvvojit gulaskuddamii gos gulaskuddanáigemearri lea cuoŋománu 27.b. 2021.

Gulaskuddan – Ásahit sámegieloahpahusa buot ohppiide Deanu vuođđoskuvllas.pdf


Deanu gielda bivdá buot áššebealálaččaid buktit cealkámušaid láhkaásahussii ja báikkálaš oahppoplánii ovdal maŋŋebárgga cuoŋománu 27.b. 2021. Gulaskuddancealkámušat sáddejuvvojit deike postmottak@tana.kommune.no dahje Deanu gielda-Tana kommune, Rådhusveien 24, 9845 Deatnu-Tana.

Jus leat gažaldagat áššái daid sáhttá čujuhit bajásšaddanhovdii, Else-Marie Seim dákko ems@tana.kommune.no dahje tel 46400204.

Norsk versjon