Language Language Language Visning: A A A A A
toppbilde

Nationála rávvagat beassášlupmui ja Fylkkadoaktára rávvagat movt heivvolaččat láhttet beassážiid

Fargga lea beassášluopmu, ja dan oktavuođas ráđđehus buktá rávvagiid movt luomu sáhttá čađahit njoammuneastadanfágalaš dohkálaš vuogi mielde.

Rávvagiidda leat vuođđun Dearvvašvuođadirektoráhta ja Álbmotdearvvašvuođainstituhta rávvagat.

Njoammundilli čuvvojuvvo dárkilit, ja doaimmat sáhttet rievdat oanebottas.

Romssa ja Finnmárkku fylkkadoavttir  Anne Grethe Olsen lea maiddái buktán rávvagiid movt heivvolaččat láhttet sidjiide geat mátkkoštit Finnmárkui

 

Deanu gielddas eai leat báikkálaš rávvagat ja mii ávžžuhit buohkaid čuovvut nationála rávvagiid ja Fylkkadoaktára rávvagiid movt heivvolaččat láhttet beassážiid. 

Ráđđehusa rávvagat beassálupmui:

Obbalaččat

  • Biso ruovttus jus it leat dearvvaš, ja teste iežat nu fargga go fal lea vejolaš jus doaivvut dutnje lea njommon covid-19.

Mátkkit

  • Eat rávve mátkkiid olgoriikii, eambbo jus lea áibbas dárbbašlaš. Garvve maiddái dárbbašmeahttun mátkkiid Norggas.
  • Mátkki (iežas/luoikkahuvvon/láigohuvvon) astoáiggeopmodahkii sáhtát liikká čađahit jus don leat hui dárkil njoammuneastademiin dalle go leat jođus ja doppe luopmobáikkis. Mátkkoš dalle daiguin geaiguin orut ovttas dahje lagasolbmuiguin, gávppaš millosepmosit ovdal vuolggát mátkái ja doala gaskka earáide.
  • Lea dehálaš iskat makkár doaibmat gustojit gielddas gos oroda, ovdamearkka dihte gieldda ruovttusiidduid dahje helsenorge.no bokte.
  • Jus mátkkoštat gildii gos eai leat nu garra doaimmat go du ruovttugielddas, de berret váldonjuolggaduslaččat čuovvut ruovttugieldda guoski rávvagiid.
  • Jus leat karantenas, dahje vuorddát teastavástádusa, ale vuolgge beassášlupmui, it iežat hyhttái ge.
  • Jus leat hyhtás ja buohccát, de berret mátkkoštit ruoktot. Jus dutnje riŋgejit ja biddjot karantenii, de berret vuolgit ruoktot.
  • Don sáhtát mátkkoštit hotellii sisriikkas, muhto doala gaskka eará gussiide, ja ráddje orodeame oktasaš areálain. Jus gulat guvlui gos lea alla njoammundássi ja garra báikkálaš doaimmat, de it berre mátkkoštit hotellii dahje sullasaš idjadanbáikkiide gos ollugat čoahkkanit.
  • Ii rávvejuvvo mannat hyhtás hyhttái, daningo dat mielddisbuktá olu eanet riskka njoammunleavvamii..
  • Jus áibbas dárbu lea mátkkoštit olgoriikii (ovdamearkka dihte mánát geat galget fitnat váhnemiid luhtte eará riikkas), de lea hirbmat dehálaš leat várrogas mátkkis ja doallat karantenamearrádusaid ja testengáibádusa go fas boahtá ruovttoluotta riikii.

Sosiálalaččat

  • Don berret garvit eanet go 10 sosiála oktavuođa vahkus.
  • Don berret garvit ahte eambbo go 5 olbmo bohtet guossin du ruktui. Jus du ruovttugielda rávve garvit gussiid, de berret čuovvut dán rávvaga, leaččat dál ruovttus, hyhtás dahje eará báikkis.
  • Jus gulat guvlui gos lea alla njoammundássi ja garra báikkálaš doaimmat, de eat rávve váldit vuostá idjadangussiid beassážiid. Mánát ja nuorat vuollel 20 jagi ja sii geat orrot okto sáhttet liikká váldit vuostá idjadangussiid, 1-2 fásta ustiba.
  • Vállje millosepmosit olgodoaimmaid. Garvve fitnamis báikkiin gos ollugat leat čoahkkanan, ja doppe gos ii leat álki doallat gaskka, nugo guossohanbáikkiin, čuoiganstobuin, lieggastobuin, stoahkanbáikkiin, vuojadanbáikkiin ja sullasaččain. Don sáhtát fitnat alpiidnarusttegiin, muhto garvve báikkiid gos leat spagga dievva olbmot.

Ipmilbálvalusat ja eará doalut

  • Ipmilbálvalusain ja eará vuoiŋŋalaš doaluin ja eallinoaidnočoagganemiin beassážiid gustojit regelat, njuolggadusat ja rávvagat mat lágideapmái leat. Don it berre searvat dakkár čoahkkanemiide iežat gieldda olggobealde.

Loga eambbo dás: https://www.regjeringen.no/no/aktuelt/slik-kan-pasken-tilbringes/id2838494/

Fylkkadoaktára Anne Grethe Olsen rávvagat mot heivvolaččat láhttet beassážiid

Romssa ja Finnmárkku fylkkadoavttir Anne Grethe Olsen rávve buohkaid geat bohtet guovlluin gos lea alla njoammundeaddu mannat ieš gohččojuvvon karantenii ovdal vulget mátkái ja testet. 

Romssa ja Finnmárkku fylkkadoavttir rávve studeanttain ja earáid geat háliidit fitnat fylkkas beassášluomus jurdilastit bures, ja árvvoštallat lea go duođai dárbu dahkat mátkki ovdalgo mearridit vuolgit mátkkoštit.

Son rávve buohkaid geat gullet guovlluide gos lea alla njoammundeaddu, geat oaivvildit sii fertejit mátkkoštit Romsii ja Finnmárkui beassážiid:

  • bidjat iežaset ieš gohččojuvvon karantenii 10 beaivái ovdal go bohtet deike
  • váldit jođánis teastta 24 diimmu ovdal vulget mátkkoštit iige vuolgit mátkái ja teasta lea positiiva
  • váldit ođđa teasta viđat beaivvi dan gielddas gos leat fitname
    • Gielddadoaktára Kjell Magne Johnsen dieđut dán čuoggá birra:
      • DEANUS LEA RÁDDJEJUVVON TESTENVEJOLAŠVUOHTA BEASSÁŽIID JA EAI SÁHTE  DAN FÁLLAT
        • ​Covid-19 teasttat fertejit sáddejuvvot UNN:i / Romssas. Poastajohtalusas lea boddu áigodagas 1.4 - 6.4. Dát mearkkaša ahte PCR – teasttaid (dábálaš teasttaid) ii sáhte sáddet dán áigodagas.
        • Jođánis teasttaid geavaheapmi olbmuide dávdamearkkaid haga leat eambbo eahpesihkkarat ja danin eai árvvoštallo leat heivvolažžan testet olbmuid geain eai leat dávdamearkkat
        • Olbmot dávdamearkkaiguin, geat váruhit sidjiide sáhttá njommon Covid-19, fertejit váldit oktavuođa váktadoaktáriin, gii árvvoštallá galgá go váldot jođánis teasta.
  • Čuovvut iežas orrungieldda njoammuneastadannjuolggadusaid go guoská njálbmesuoji geavaheapmái, hárjehallanguovddážiin fitnat je.
  • Doallat gaskka buohkaide iežas báikedoalu olggobealde, unnimus guokte mehtera

Sis geain leat guossit geat gullet rukses guvlui beassážiid, berrejit jus lea vejolaš, berrejit ieš gohččojuvvon karantenii bidjat iežaset maŋŋel go guossit leat vuolgán.

Loga eambbo dás:  https://www.statsforvalteren.no/troms-finnmark/nyheter/2021/03/paskevettregler2/