Language Language Language Visning: A A A A A
toppbilde

Boahkuhanstáhtus Deanu gielddas

Deanu gielda lea olles jođuin boahkuheame nationála njuolggadusaid olis. Mii leat eanaš boahkohemiin geargan ollásit dain geat ásset boarrásiidossodagain ja buhcciidruovttuin , ja maid boahkuhemiin ássiid badjel 85 jagi. Dál leat mii álgán boahkuhit ássiid badjel 75 jagi geat ásset ruovttuin. Dán rádjái leat 119 boahkuhuvvon. 21 olbmo leat maiddái ožžon nuppi boahku.

koronavaksine

Boahkuheapmi dáhpáhuvvá ain dán vahkus Birasvisttis Galleriija Martinis, muhto boahtte vahkus (vahkku 7) sirdojuvvo boahkuhanstašuvnna máŋggageavahushálla kantiidnii.

Deanu gielddas lea stuorát oassi ássiiguin geat leat badjel 65 jagi ja vurdojuvvon boahkuid eriin mii sáddejuvvo gildii, de boahtá váldit áiggi ovdal buohkat leat boahkuhuvvon. 

Vahkkuin 6-9 jotkojuvvo ássiid boahkuheapmi ahkejoavkkus gaskkal 75-84 jagi. Dán joavkkus leat sullii 200 ássi. Buohkain geat leat áigeguovdil boahkuhuvvot, nationála njuolggadusaid olis, váldojuvvo oktavuohta dađi mielde go gielda oažžu boahkuhandosaid. Gielda šiehttá boahkohantiimmu dáid ássiiguin geat gullet ahkejovkui gaskkal 75-84 jagi Mariann bokte.

Mii láhčit digitála vuogádaga tiŋgot boahkuhantiimmu buot eará ahkejoavkkuide, maŋŋá ahkejoavkku gaskkal 75-84 jagi. Dán birra bohtet sierra dieđut maŋŋel.

Vahku 10 rájes plánejuvvo boahkuheapmi ahkejoavkku gaskkal 65 gitta 74 jagi. Seammás álggahat mii vahku 10 rájes boahkuhit olbmuid geain dávda / dilli mas lea alla riska oažžut duođalaš dávdadáhpáhusa:

  • Orgánatransplantašuvdna
  • Immuvdnaváili
  • Hematologalaš borasdávda maŋimuš viđa jagis
  • Eará aktiivvalaš borasdávda, jođus dahje áiddo álggahuvvon borasdávdadikšun (erenomážit immuvdnahehttejeaddji dikšun, suonjardikšun geahppáide dahje seallamirku)
  • Neurologalaš dávddat dahje deahkkedávddat maid mielde čuovvu hedjonan gossanveadju dahje geahpesdoaibman (omd. ALS, Downs syndroma)
  • Kronalaš manimušdávda dahje mealgadii hedjonan manimušdoaibma