Language Language Language Visning: A A A A A
toppbilde

Romssa ja Finnmárkku stáhtahálddašeaddji ávžžuha ássiid garvit mátkkoštemiid dien logi gildii mat leat guoskkahuvvon dainna muterejuvvon virusiin

Preassadieđáhus Romssa ja Finnmárkku Stáhtahálddašeaddjis,  Elisabeth Vik Aspaker

Muterejuvvon virus dávdda leavvan Indre Follo gielddas čájeha pandemiijadili duođalašvuođa. Eiseválddit leat gielddaiguid ovttasbargguin váldán atnui čavga doaimmaid mat gusket logi gildii;
Enebakk, Frogn, Indre Østfold, Moss, Nesodden, Nordre Follo, Oslo, Vestby, Våler ja Ås.

 

Njoammundilli Romssa ja Finnmárkku gielddain lea dálá dilis vuogas. Min gielddat leat bargan stuorra barggu bissehan dihtii njoammumiid ja čuvvon TISK-strategiija (testen,
sirren, njoammunohcan, erren) buorre vuogi mielde. Seammás almmuhit maid gielddat ahte dát lea čuohcan garrasit dearvvašvuođabargiide.

 

Romssa ja Finnmárkku stáhtahálddašeaddji oaivvilda ahte lea dehálaš ahte njoammunsuodjaleapmi ain ge bisuhuvvo buorre hálddus, vai gielddain lea dárbbašlaš  dearvvašvuođabálvalusa kapasitehta čađahit ja lasihit boahkuheami dađi mielde go eanet boahkut leat gávdnomis.

 

Garvve mátkkošteami dien logi gildii

 

Dát lea duogáš go Romssa ja Finnmárkku stáhtahálddašeaddji ávžžuha min gielddaid ássiid garvit mátkkoštemiid dieidda 10 gielddaide Oslo ja Vikenis gos dál leat váldon adnui erenoamáš čavga doaimmat bissehan dihtii dán muterejuvvon virus leavvama. 

 

Stáhtahálddašeaddji ávžžuhus lea diekkár ovdagihtii várrogasvuođa doaibma garvin dihtii riskka amas diet muterejuvvon virus boahtit min guovlluide ja dan láhkai lasiheamen gielddadearvvašvuođabálvalussii dárbbašlaš resurssaid čađahit boahkuheami dego plánejuvvon.

lagt.