Language Language Language Visning: A A A A A
toppbilde

Leatgo dus gažaldagat almmolaš gažadandiibmui gielddastivračoahkkima oktavuođas cuonománu 15.b.?

Gieldda ássiide lea vejolaš buktit gažaldagaid almmolaš gažadandiibmui gielddastivračoahkkima oktavuođas cuonománu 15.b. Áigemearri buktit gažaldagaid lea disdaga cuonománu 13.b. dii.12:00.


 

Dá leat njuolggadusat almmolaš gažadandiibmui gielddatstivrra dábálaš čoahkkimiin Deanu gielddas:

a) Dakkaviđe ovdalgo gielddastivra vuođđuda čoahkkima, de čađahuvvo 30 minuhtasaš gažadandiibmu čoahkkinsálas. Earret daid čoahkkimiid gos gielddastivra meannuda bušeahta ja/dahje ekonomiijaplána, ja earenoamáščoahkkimiin.

b) Gažadandiibmu nohká go dábálaš gielddastivračoahkkin álgá almmuhuvvon čoahkkináigái

c) Gažaldagat galget sáddejuvvon čálalaččat sátnejođiheaddjái dán e-poastačujuhussii: postmottak@tana.kommune.no dahje Deanu gildii, Rådhusvn. 24, 9845 Deatnu dii. 12.00 rádjái guokte beaivvi ovdal čoahkkinbeaivvi. Gažadeaddji ferte ovddidit gažaldaga


d) Buot olbmot geat ásset gielddas, earret gielddastivrra miellahtut, sáhttet jearrat gažaldaga sátnejođiheaddjái, gielddastivrii dahje ovttaskas gielddastivrra miellahttui dahje sin bokte. Gažaldagat gielddastivrra miellahtuin, daid mudde gielddastivrra njuolggadusa § 23. Jus gažaldat jerro gielddastivrras, de mearrida sátnejođiheaddji gii galgá gažaldaga vástidit. Jus gažaldat jerro ovttaskas miellahtus, de sátnejođiheaddji ovddida gažaldaga miellahttui unnimus 2 beaivvi ovdal čoahkkima

e) Gažaldagat galget oanehaččat ja guoskat gielddalaš dilálašvuođaide. Gažaldagaid maid ii sáhtte vástidit dohkálaččat, maŋiduvvojit boahtte gielddastivračoahkkimii

f) Gažaldagat galget oanehaččat ja daid galgá sáhttit ovddidit 3 minuhtas. Earret dan sáhttá sátnejođiheaddji addit vejolašvuođa replihkaide

g) Sátnejođiheaddji sáhttá hilgut dakkár gažaldagaid mat:
- sisdoalu dáfus fallehit ássiid
- sisdollet luohttevaš dilálašvuođaid
- berrejit jerrojuvvot gielddalaš hálddahusas
- leat jerrojuvvon seamma dahje sullasaš hámis maŋemus 6 mánus

h) Gažadandiibmu ii geavahuvvo maŋemus 3 mánu ovdal gielddaválgga

i) Jus dáid njuolggadusaid ipmárdusa alde čuožžila eahpádus, de lea sátnejođiheaddjis mearridanváldi. Jus okta gielddastivraáirras ii leat ovtta oaivilis sátnejođiheaddji mearrádusain, de miellahttu sáhttá gažadandiimmu maŋŋel gáibidit ahte gažaldat meannuduvvo boahtte čoahkkimis go lea almmolaš gažadandiibmu

j) Gažaldat mii biddjo ovdan almmolaš gažadandiimmus, ii sáhte gažadeaddji gáibidit, galgat ovddiduvvot sierra áššiin čuovvovaš čoahkkimis.

Cavgil olbmái Čálit