Language Language Language Visning: A A A A A
toppbilde

Ráđđehus joatká eanaš nationála korona doaimmaid, muhto ložžo mánáide ja nuoraide

Ráđđehus joatká eanaš daid čavga njoammunsuodjedoaimmaid bissehan dihtii ođđa njoammunbáru, muhto ložže mánáide ja nuoraide. Nationála doaibmadássi skuvllaide vulos njulgejuvvo fiskes dássái, ja báikkálaš falástallan- ja astoáigedoaimmat mánáide ja nuoraide eai šat gildojuvvo. Ávžžuhus garvit gallestemiid ruovttuin ii šat jotkojuvvo, muhto buohkat galggašit ráddjet sosiála oktavuođaid.

Báikkálaš hárjehallamat ja astoáigedoaimmat mánáide ja nuoraide eai šat gildojuvvo. Mánát ja nuorat vuollai 20 jagi sáhttet hárjehallat ja mannat astoáigedoaimmaide nugo dábálaččat, sihke olgun ja siste. Sii eai maid dárbbašat čuovvut ávžžuhusa ahte doallat 1 mehtera gaskka go lea dárbbašlaš vai sáhttá čađahit doaimmaid. Mánáide ja nuoraide sáhttá dábálaš falástallandoaibma klubbain, joavkkuin ja servviin čađahuvvot, muhto gilvvut, cupat ee. fertejit maŋiduvvot.

Mii mearkkaša ahte doaimmat mánáide ja nuoraide vuollai 20 jagi máŋggadoaimmathállas ja vuodjansáles sáhttet fas rahppojuvvot.
Vuodjansáles ožžot mánát gaskkal 10 ja 20 jagi fitnat dan sivas go mánát vuollai 10 dárbbašit rávisolbmo iežas fárrui.

Vuodjansále rahppojuvvo skuvllaide ja mánáid ja nuoraid hárjehallamiidda doppe gos eai dárbbašuvvo fuolaheaddjit leat mielde.
Eai leat buot skuvlaceahkit mat dárbbašit rávesolbmoduvdaga oahpaheaddji lassin vaikke sii leat vuollai 10 jagi,
ja heivehuvvon vuodjanhárjehus doaibmahehttejuvvon mánáid ii galggašii čađahuvvot vaikke sii leat vuollai 10 jagi.

Buot rávisolbmuid hárjehallamat eai dollojuvvojit


Eanaš priváhta deaivvadeamit ja ieš guđet lágan lágideamit fertešedje sirdojuvvot dahje heaittihuvvot.
Jus dattetge deaivvadeami fertejit čađahuvvot, gustojit čuovvovažžan:
Priváhta deaivvadeamit olggobealde iežas ruovttu, ovdamearkka dihtii riegádanbeaivedoalut láigoviesus, ožžot eanemus 10 olbmo leat doppe.

Loga preassadieđáhusa dakko:
https://www.regjeringen.no/no/aktuelt/pm-18.1/id2828908/