Language Language Language Visning: A A A A A
toppbilde

Dárbu bearrašiidda PMTO sertifiseremii

Liss Mikalsen Unjárgga ja Deanu mánáidsuodjalanbálvalusas lea álggahan PMTO:n (Parent Management Training oregon- málliin) terapevtaoahpahusain. Dan oktavuođas dárbbašuvvojit 5-6 bearraša mat várra dárbbašit váhnenoaivadeami sertifiserenáigodagas ođđajagimánu 2021 rájes gitta geassemánu 2022 rádjai.

PMTO lea váhnenoaivadanbálvalus. Váhnemiin sáhttet leat muhtumin dakkár dilit mat sáhttet leat oalle hástaleaddjin. Árgabeaivi sáhttá leat hohpolaš, ja gártá rahčat vai fitne mánáid ovttasbargui. Sáhttet leat máŋga ášši mat dahket ahte olmmoš váivašuvvá ja dovdá iežas váilevažžan.

PMTO:s bargojuvvo dan láhkai ahte bearraša positiiva resurssat ovddiduvvojit ja maid ala sáhttá hukset viidásut. Mii geahčadat man láhkai sáhttá máná váldit buorre láhkai, ja ráhkadit buriid gaskavuođaid, nu maiddái fitnet buriid bargoneavvuid mo sáhttá gieđahallat ovttasbargohástalusaid.

Eambbo dieđuid gávnnat dákko www.pmto.no

Oaivadeapmi ii leat laktojuvvon mánáidsuodjalanbálvalussii.

Lea go dát juoga mii heivešii dutnje/didjiide, váldde oktavuođa Liss Mikalseniin dákko:
Telefovdna 404 406 15
E-poasta liss.beate.mikalsen@nesseby.kommune.no.