Language Language Language Visning: A A A A A
toppbilde

Ønsker du å bli tilsynsperson i fosterhjem?

Unjárgga ja Deanu gielddat dárbbašit bearráigeahčči mánáidruovttuide

Bearráigeahčči

Háliidat go šaddat bearráigeahčči mánáidruovttuin? Unjárgga ja Deanu gielddat dárbbašit bearráigeahčči mánáidruovttuide.

Buot mánáidruovttuin galgá leat okta bearráigeahčči. Mánáidsuodjalusas lea ovddusvástádus gávdnat bearráigeahčči, ja bearráigeahčči galgá leat dakkár olmmoš geasa mánná luohttá.

Bearráigeahččis eai galgga leat čanastagat mánáidsuodjalussii dahje biebmovánhemiidda, muhto galgá nannet máná dili ovttas mánáidsuodjalusain. Buohkat geat galget bargat mánáidsuodjalusa ovddas fertet buktit politiijaatteastta.

Makkár barggut gullet bearráigeahččanolbmui

Bearráigeahču ulbmil lea fuolahit ahte mánáin lea buorre dilli biebmoruovttuin. Mánná galgá duinna sáhtit váldit oktavuođa jos das leat gažaldagat dahje hástalusat mat gusket biebmovánhemiidda dahje eará áššiide.

 

Go bearráigeahčču lea čađahuvvon de galgá bearráigeahčči čállit raportta ja sáddet dan gildii. Bearráigeahčču galgá čađahuvvot nu guhká go mánná orru biebmoruovttus, dahje dassái go deavdá 18 jagi.

Bearráigeahčču galgá čađahuvvot nu dávjá go lea dárbu, ja unnimusat njeallje geardde jahkái.

Bearráigeahčču ii galgga bistit eambbo go njeallje diimmu oktan vuodjimin ja čállinbargguin.

Sáhtát lohkat eambbo bearráigeahčči bargguid birra dáppe: https://bufdir.no/Barnevern/Fagstotte/Fosterhjem/Tilsyn/

 

Bálká/buhtadus
Bálká lea 400/diibmui. Vuodjingolut gokčojuvvojit Stáda njuolggadusaid mielde; Statens reiseregulativ

Buhtadus:

  • 500 ruvnno buhtadus go leat duođaštuvvon golut.
  • Jos lea golut badjel 500 ruvnno fertet ovdagihtii čielggadit lea go ortnegis.
  • Bálkkás gessojuvvo vearru.

Makkár oahpahus ja bagadallan oaččut

Dus fertejit leat persovnnalaš attáldagat mat heivejit dan bargui ja lea buorre jos ovdal leat bargan mánáiguin.

Bagadallan čađahuvvu mánáidsuodjalusain.

Váldde oktavuođa

Jos leat gažaldagat sáhtát váldit oktavuođa Unjárgga ja Deanu mánáidsuodjalusain, mob.404 406 12, dahje 404 406 15, dahje sáddet e-poasta: barnevern@nesseby.kommune.no
ja mii de váldit duinna oktavuođa.