Language Language Language Visning: A A A A A
toppbilde

Doarjjaruhta aktiviseret hearkkes ja oktonas vuorrasiid koronapandemiija áiggis

Deanu gieldda dikšun ja fuollabálvalussii lea juolluduvvon doarjjaruhta aktiviseret hearkkes ja oktonas vuorrasiidda koronapandemiija áiggis. Doarjja lea juolluduvvon ruovttobálvalussii ja buhcciidossodahkii ja gusto 2021 jahkái.

Dása virgáduvvo mearreáiggevirgái doaimmaheaddji gii galgá bargat sihke ruovttobálvalusas ja buhcciidossodagas. 

Doaimmaheaddji galgá earret eará kártet ja vejolaččat čađahit aktiviteahtaid ovttas «Šilljui»- ja «Duoddarii» fáluheddjiiguin. Ulbmil lea láhčit buriid bottuid ja vásáhusaid pasieanttaide ja ássiide go dovddagárddiide buktá sávzzaid ja eará elliid ja čađaha eará doaimmaid mat dábálaččat čađahuvvojit šiljus dahje duoddaris/siiddas.

Doaibmaplánat ráhkaduvvojit guktui ossodahkii ja fállojuvvojit doaimmat dáid vuođul.

Mihttu viidáseappot leat fállat árganávccaiduhttima ja -lihkadeami ossodagaiguin vai doalahit geavaheddjiin fysalaš searaid. Jurdda lea sajáiduhttit rutiinnaid mat dáhkidit ahte aktivitehtat šaddet oassin ossodagaid árgabeaivvis maiddái maŋŋá prošeavtta loahpaheami.  

Koronadilálašvuođa dihte lea dehálaš sihkkarastit ahte fitnamat ossodagain čađahuvvojit dorvvolaččat ja ahte fitnamat šaddet buorit vásáhusat pasieanttaide/ássiide ja gussiide. Mii háliidat Eaktodáhtolašguovddáža eaktodáhtolaččaid mielde dán bargui.

Ovttasbargoaktevrrat dán prošeavttas leat  fysioterapevtta, «Šilljui»- ja «Duoddarii» fállit ja eaktodáhttoguovddáš.

Dása lassin lea eaktodáhttoguovddáš ožžon doarjaga seamma ulbmilii, doaibmabidjopáhkka hearkkes vuorrasiidda. Mihttu lea virgádit prošeaktamielbargi oasseáiggevirgái. Prošeaktamielbargi galgá láhčit doaibmabijuid vuorrasiidda. Mihttu lea doibmiibidjat fitnanustitortnega, arvvosmahttit ja ovttastahttit eaktodáhtolaš árjjaid mat sáhttet geavahuvvot fitnanolmmožin institušuvnnas ja fuollavisttiin, ja fievrridit olbmuid gaskal ruovttu ja ruovttubuohccedivššu beaivedoaibmafálaldagaid. Mii maid geahččalat ráhkadit deaivvadanbáikkiid, maiddái gilážiin, eaktodáhtolaš árjjaid aktiviserema ja ovttastahttima bokte. Dát sáhttet áinnas leat buolvvaidrasttildeaddji deaivvadanbáikkit, jus lea vejolaš dan čađahit.

Ovttasbargoguoimmit prošeavttas leat eaktodáhtolaččat gielddas,  ruovttubálvalus beaivedoaibmafálaldagaid bokte, fuollavisttit, buhcciidossodat ovttas juo doaibmi prošeavttain «fágaidrasttideaddji doaibmabijut Deanus».