Language Language Language Visning: A A A A A
toppbilde

Ekonomalaš njihttin – eambbo dakkárat ovddeš jagiin

Álgii ekonomiijajođiheaddji Per Øyvind Paulsen lea guorahallame boares ERV ekovuogádaga pdf-raporttaid, mii mis lei muhtun jagiid 2010 rájes. Leat gávdnon fakturát fitnodagain main lea seamma duogábeale olmmoš go man birra ovdal leat raporteren. Lea maid sáhka fitnodagain mat leat heaittihuvvon muhtun jagiid dás ovdal. Oktiibuot leat gávdnon olggosmáksimat sullii seamma supmi ovddas go maid bolesat leat almmuhan. Fakturát eai leat guorahallon, muhto go dát hoidu muđui sulasta, de mii navdit lea hui jáhkehahtti ahte dát maiddá lea beahttu.

Áiggis ovdal 2010 lei gielddas ekonomiijavuogádat mii maiddái lea heaittihuvvon. Mii áigut diehttelasat guorahallat boares čáláhusain iskat goas dat álggii. Mii ballat dat sáhttá álgán dalle juo go jođiheaddji oaččui dán dehálaš virggi nu maŋos go jagi 2000:s. Jus nu fal leaš, de gal submi sáhttá šaddat mihá eanet go dan 12 miljovnna mii dássážii lea almmustahtton.

Ođđa gávdnosat dieđihuvvojedje dakkaviđe bolesii.

Mii áigut áiggis ovddasguvlui atnit ollu siskkáldas resurssaid dán guorahallamii, muhto áigut diehttelasat fuolahit ahte vuhtii váldit beaivválaš doaimma seammás go mii bargat siskkáldas bearráigeahčuin. Dát ášši lea juo hirbmat kriisa gildii, ja mun balan viidáset áššeguorahallan boahtá almmustahttit vel eambbo dákkár dilálašvuođaid. Mii áigut almmolašvuhtii muitalit ášši birra nu guhkás go vejolaš almmá muosehuhttime bolesa dahje revišuvnna barggu.