Language Language Language Visning: A A A A A
toppbilde

Ekonomalaš njihttin – maid mii dál bargat

Mii leat oktavuođas dáhkádusfitnodagain gávnnahit makkár eavttut gustojit min dáhkádussii njihtama/rihkolašvuođa oktavuođas. Gielddas lea dáhkádus mii gokčá gitta 5 milj. mas iešmáksu lea 50 000.

*** 

Leat muhtun oktavuođat leamašan revišuvnnain dán vahkus gos mii leat raporteren dan maid diehtit, ja leat ožžon cavgilemiid movt mii sáhttit njulget spiehkastemiid. Gildii lea buorre ahte revišuvdna várre resurssaid dán áššái, ja ahte mii bargat buot maid sáhttit buoridan dihte rutiinnaid. Dát lea hui divrras oahppu midjiide, ja mii šállošit dan hirbmosit.  Rutiidnarihkkumat leat gávdnon, ja dát dolvojuvvojit viidáset bolesii, revišuvdnii ja politihkalaš jođihangoddái. Boahttevaš raporttat fáttá birra bohtet almmuhuvvot dan muddui go lea vejolaš dan dahkat.

Dán vahku leat mii gidden spiehkastemiid rehketdoallovuogádagas go guoská attesteren ja- máksinfápmudusaide.

Boahtte vuossárgga lea gohččojuvvon čoahkkimii gos mii áigut vuođđudit siskkáldas bargojoavku mii galgá gávnnahit mii lea dáhpáhuvvan, movt dat sáhtii dáhpáhuvvat, ja jotkkolaččat buktit evttohusaid buoridančuoggáide. Revišuvnnain ráđđádallojuvvo áigumušain maid dát bargojoavku berre guovdilastit, maid sii galget ohcat ja makkár vuogit sáhttet geavahuvvot.

Mii leat dán vahkus nai álggahan barggu kártet máhtu sis organisašuvnnas geat attesterejit ja mákset. Sii geat dárbbašit eambbo oahpu, diehttelasat ožžot dan nu fargga go vejolaččat.