Language Language Language Visning: A A A A A
toppbilde

Dieđut ássiide dearvvašvuođa- ja fuollabálvalusaid birra Covid 19 pandemiija áiggis

 

Doavtterguovddáš

  • Fitnanbearráigeahčču jotkojuvvo. Dušše pasieanttat geain lea diibmu besset boahtit sisa.
  • Olbmot geat fitnet galget dárkilit giehtabassamiin ja doalahit unnimusat 2 mehtera gaskka earáide geat leat fitname ja bargiide.
  • Sii geat fitnet soitet šaddat vuordit olggobealde iežaset biillas, ja bidjat njálbmesuoji ovdalgo bohtet doavtterguovddážii.
  • Jus áiggut fitnat ja dus leat dávdamearkkat, de berret bissut ruovttus ja váldit oktavuođa telefovnna  bokte
    • Olbmot dávdamearkkaiguin galget váldit oktavuođa gieldda koronatelefovnnain 400 05 014 šiehttat iskkusváldima farggamusat. Dát telefovdna lea doaimmas dii. 09-11.
    • Rávvejuvvo ahte sus geas leat dávdamearkkat mat sáhttet dagahit koronanjoammuma, galgá leat ruovttuerremis dassážii lea iskosa váldán ja lea ožžon negatiiva iskkusvástádusa
    • Dávdamearkkaid fáhkka vearáskeamis galgá váldit oktavuođa doavttervávttain dábálaš vuogi mielde, mii mearkkaša beaivet telefovnnas 455 17 700 ja maŋŋel kontoráiggi telefovnnas 116 117.

Ruovttubálvalus

  • Fitnanbearráigeahčču jotkojuvvo. Buohkat geat fitnet, registrerejuvvojit fitnanprotokollii. Mii bivdit ahte eai galgga fitnat dakkárat geat leat leamaš lagas oktavuođas duođaštuvvon njoammuduvvon olbmuin dahje geain leat vuoiŋŋahatdávdamearkkat. Fitnan galgá dáhpáhuvvat ássi iežas ásodagas iige oktasaš areálain. Mii ávžžuhit ráddjet fitnamiid.
  • Váldouksa lea lohkkaduvvon. Olbmot geat fitnet geavahit uksatelefovnna šihttojuvvon boahtimis.
  • Sii geat fitnet galget dárkilat giehtabassamiin ja doalahit unnimusat 2 mehtera gaskka earáide geat leat fitname ja bargiide.
  • Mii ávžžuhit olbmuid geat fitnet geavahit njálbmesuoji go fitnet ossodagas.
  • Jus don oaččut ruovttobálvalusas bálvalusaid ja leat sirremis dahje erremis, de bivdit du dieđihit dan farggamusat ruovttubálvalussii, vai dárbbašlaš njoammunhehttendoaimmaid sáhttá bidjat johtui fitnamis.

Buhcciidossodat

  • Garra fitnanbearráigeahčču, muhto ii fitnangielddus, jotkojuvvo. Buohkat geat fitnet, registrerejuvvojit fitnanprotokollii ja fitnamiid galgá čađahit pasieantalanjas. Ávžžuhuvvo ahte dušše lagamus oapmahaččat ožžot fitnat guossis.  Mii bivdit ahte eai galgga fitnat dakkárat geat leat leamaš lagas oktavuođas duođaštuvvon njoammuduvvon olbmuin dahje geain leat vuoiŋŋahatdávdamearkkat.
  • Váldouksa lea lohkkaduvvon. Olbmot geat fitnet geavahit uksatelefovnna šihttojuvvon boahtimis.
  • Sii geat fitnet galget dárkilat giehtabassamiin ja doalahit unnimusat 2 mehtera gaskka earáide geat leat fitname ja bargiide.
  • Mii ávžžuhit olbmuid geat fitnet geavahit njálbmesuoji go fitnet ossodagas.

 

Obbalaš dieđut álbmogii

  • Dárbbašat go fitnat ovttage luhtte dál? Deháleamos lea doallat buori gaskka – áinnas 2 mehtera – earáide ja ráddjet áiggi go lea lagas oktavuođas earáiguin vuollel 15 minuhttii. Čájet earenoamáš áicilvuođa gos olbmot leat lahkalaga, buvddain, guossohanbáikkiin.
  • Deanu gielda muittuha buohkaide man dehálaš lea váldit vuhtii vuđolaš njoammunhehttennjuolggadusaid nugo doallat gaskka earáide ja muitit bassat gieđaid bures. Jus dus leat dávdamearkkat, de biso ruovttus ja váldde oktavuođa Doavtterguovddážiin šiehttat iskkusváldima.
  • Earenoamážit dearvvašvuođabargiide: Dearvvašvuođabargit galget friddja vuođu alde čájehit várrogasvuođa iežaset astoáiggis sosiálalaš ovttastallama dáfus earáiguin..

 

Liŋka álbmotdearvvašvuođainstituhttiii – deaddil dákko ja loga ávkkálaš dieđuid

 

Ustitlaš dearvuođaiguin

 

Anu Nilsen

Dearvvašvuođa ja fuolahusa gielddahoavda

Tlf. 464 00 203