Language Language Language Visning: A A A A A
toppbilde

Deanus sáhttá maid šaddat bargoheaitta bussejohtolagas čakčamánu 26.b. rájes.

Jus bussejohtolaga bargoheaitta viiddiduvvo čakčamánu 26.b. rájes, de eai vuoje skuvlabusset ge. Man viiddis bargoheaitta loahpalaččat šaddá eat vuos dieđe. Fylkkagielda bivdá min čuovvut mielde mediain, go eará diehtojuohkinkanálat eai soaitte ođasmahttojuvvon bargoheaitagis

Mii leat ožžon dáid dieđuid fylkkagielddas go guoská riskii ahte bussejohtolaga bargoheaitta viidána dán lávvordaga rájes:

" Čujuhuvvo 2020 Tariffašiehtadussii ja bussesuorggi bargoheaitagii mii lea bistán čakčamánu 20.b. rájes. Bargiidorganisašuvnnat leat gaskaboddosaččat váldán sullii 3000 bussevuoddji bargoheaitagii, ja dieđihit dán viidánit lávvordaga čakčamánu 26.b. rájes bargoáiggi álgimis. Viidáneapmi boahtá guoskat earret eará Finnmárkui, ja Boreal Buss AS lea dieđihan fylkkagildii ahte dát boahtá guoskat buot sin báikkiide.

Jus bargoheaitta viidána nugo dieđihuvvon, de dat mearkkaša ahte visot bussefievrredeapmi Finnmárkku ruktoguovllus bisána lávvordat iđida rájes. Dát guoská sihke gávpotbussiide, guovllu- ja ekspreassaruvttuide ja skuvlavuodjimiidda..

Dát lea lobálaš konflikta, ja lobálaš bargokonflivttaid njuolggadusaid mielde, de ii biddjo liigekapasitehta doibmii. Fylkkagielda áigu danin ávžžuhit dieđihit buot ohppiide ja ovddasteddjiide, bargiide skuvllain, gielddain j.e. ahte vejolaš bargoheaitagis ii boađe leat almmolaš fievrredanfálaldat maid sii sáhttet geavahit.

Fylkkagielda muittuha ahte mátkedáhkádus ii gusto bargoheaitaga olis, ja bargoheaitaga geažil iige oaččo ruovttoluotta máksojuvvot bussebileahta, dahje molssaevttolaš fievrredeami goluid ovddas.

Web/áppa Mátkeplánejeaddji ii soaitte ođasmahttojuvvot vejolaš bargoheaitaga ektui, ja mátkeevttohusat danin eai čájet rievttes evttohusaid. Dát guoská maiddái busseterminála ja bussebisánanbáikkiid távvaliidda.

Fylkkagielda muđui ávžžuha čuovvut mielde mediain bussekonflivtta ovdáneami ektui.”