Language Language Language Visning: A A A A A
toppbilde

Oza doarjaga báikkohagaid buoridit máđijaid mohtorjohtolahkii geasset ja dálvet

 

Gielddastivra lea 2020 bušeahtas várren kr 60 000 buoridit máđijat mohtorjohtolahkii geasset ja dálvet. Joavkkut/searvvit bovdejuvvojit ohcat doarjaga Deanu gielddas buoridit dálá bievlamáđijaid ja skohterláhtuid báikkohagaid. Ohcama galgá deavdit bagadusa mielde sierra ohcanskovvái. Ohcanáigemearri lea čakčamánu 1.b.

Áigumuš lea meannudit ohcama Meahcásteami ja ealáhusa váldolávdegottis (HUN) golggotmánu 28.b. 2020:s. Jus doaimmat ii sáhte dán jagi čađahit, de ruđat sirdojit 2021:i.

Joavkkut/searvvit sáddejit ohcama mas čilgejit prošeavtta birra. Buoridemiid galgá čilget nu aiddolaččat vai sáhttá mearridit leago dat ohcangeatnegas doaibma vai ii. Gielda ohcá eananeaiggádiin oktasaš lobi báikkohagaid buoridemiide buoridanohcamiid vuođul. Ohcamiid/prošeaktačilgehusaid vuođul ja FeFo lobi vuođul mearrida HUN makkár prošeavttat galget oažžut doarjagiid.

Láhttomáđijaid buorideamit galget unnidit luondduvahágiid ja sihkkarastit bidjame mohtorjohtolaga seamma máđijaide. Láhttomáđijaid buorideamit eai galgga dagahit ahte standárda buorrána áiggi badjel vuodjinluottas geidnui doppe gos mohtorjohtolatláhka ii gusto.

Buorideaddjái/jovkui/searvái sáhttá máksojuvvot 50 % supmis dakkaviđe go ohcan lea juolluduvvon. Olles doarjjasupmi máksin dahkko go lea buktán raportta gárvvistuvvon barggus. Raporttas galget leat govat dahkkon bargguin ja rehketdoallu mii duođašta olggosgoluid.

Gielda lágida oktasaš raportta FEFO:i gárvvistuvvon bargguin.

 

Liŋka ohcanskovvái  

Liŋka bagadussii  

 

Ohcan sáddejuvvo boastta mielde Deanu Gildii, Rådhusveien 24, 9845 DEATNU

dahje e-poasttas čujuhussii postmottak@tana.kommune.no

Jus leat jearaldagat, riŋge 46400200