Language Language Language Visning: A A A A A
toppbilde

Deanu kulturskuvlla iežas stuora jiellat boahtá ruoktot!

Vaikko vel lea Korona, ja garra njoammuneastadandoaimmat, de sáhttá Deanu gielda liikká čađahit  Ođđa Deanušaldi ávvudandoaluid , ovttas Stáhta geaidnodoaimmahagain.

Andreas G 28.05.20_300x400.jpg

Deatnulaš ja ovddeš kulturskuvlaoahppi logi jagi, Andreas Gundersen (27), gii beaivválaččat bargá komponistan ja piánočuojaheaddjin, lea miessemánu 25.b.2020 virgáduvvon Deanu gildii produseantan. Sus šaddá musihkalaš ovddasvástádus Deanu gieldda kultuvrralaš buktosii ođđa šalddi rahpandoaluin mii galgá gárvvistuvvon borgemánu 10.b.2020:s. Andreas lea okta dain máŋga ovddeš kulturskuvlaohppiin gii lea áŋgiruššan bargat kultureallimis, ja son galgá dál ovttas Stáhta Geaidnodoaimmahagain (mas lea váldoovddasvástádus doaluide) fuolahit ahte šalderahpama kulturbuktosis lea stuora girjáivuohta, alla dáiddalaš dássi ja ahte dat čájeha gieldda máŋggakultuvrralaš ja máŋggagielalaš identitehta.

Ođđa šaldi galgá rahppot borgemánu 27.b. 2020:s, ja vaikko áigemearit eai leat čielggaduvvon daningo plánenáigodat orustii koronadávdda geažil, de dál lea mearriduvvon ahte rahpan dáhpáhuvvá dán beavvi beroškeahttá mii pandemiijain dáhpáhuvvá geasi mielde. Mii sávvat baicce ahte mii sáhttit bovdet nu ollugiid go vejolaččat ávvudit minguin ovttas doaluin, juogo ođđa šalddis olgun, dahje livestream bokte interneahtas. Deanu gielda ja Stáhta geaidnodoaimmahat leat dattetge positiivvalaččat ja optimisttalaččat plánejuvvon álbmotfestii, ja Andreas lea gearggus bargat vai doalut šaddat dakkárin maid mii ollu jagiid ovddas guvlui muitit leamašan stuora dáhpáhussan.. 

Deanu gielda ja Deanu kulturskuvla sávvaba Andreas buresboahtin leat joavkkus oassin!