Language Language Language Visning: A A A A A
toppbilde

Lassánan dulvevárra Deanočázádagas

Dulvevárra lea lassáneamen Deanočázádagas vuollegis temperatuvrraid geažil. Prognosat mat bohtet Norgga čáhce- ja energiijadirektoráhtas (NVE) sihke Suoma dulvanguovddážis geat fáktejit dulvedili Deanu čázádagas ja dat árvalit ahte šaddá leat dulvečohkka geassemánu bealde.

Flomsonekart

Lea dehálaš ahte lassánan dulvevárra lea olles Deanu čázádagas oalgejogat rehkenaston mielde ja ii dušše Buolbmága bokte nugo lea boahtán ovdán mediačállosiin dán lagaš vássánáiggis.

Man stuorra ja goas dat giđđadulvi deaivida, lea dieđusge gitta das man alla temperatuvrrat leat ja jus boahtá arvi vel dan lassin. Prognosat dadjet geassemánu 8-15 b. go guhkesáiggedálkeeinnostusat leat váldon mielde Deanu čázádatguovlluin. Prognosat dieđihit 10 jagi dulvvi Buolbmát mihtidanstašuvnna bokte ja 50 jagi dulvvi oalgejogain badjin Deanu čázádagas.

Ballu ahte šaddet bilideamit jiekŋajođu oktavuođas lea árvvoštallon hui uhccin. Sivvan dasa lea ahte lea heittogis jiekŋa mas lea máŋga gearddi, gos lea čáhci ja uhccán stállejiekŋa. Jogajieŋa lea dárkkistan NVE ovdal go šolgegođii máŋgga sajis. Gielda ii rehkenastte vahágiid jiekŋajođu geažil.

Dál ádjána muohtasuddamiin mii dahká ahte ii šatta leat nu váralaš jiekŋajohtu.

Lea ain ge ollu muohta Kárášjoga guovllus ja dohko lea muohttán dáid romis dálkkiid áigge mat ledje miessemánu 14-15.b. Gielda lea lasihan iežas dili vákšuma ja vuordá stuorát dulvvi go mii dábálaččat láve leat beroškeahttá das mo muohta šolgá dás ovddos guvlui.
 

Guhkesáigge dálkeeinnostusas Tana ja Karasjok de galgá joatkit temperatuvrraiguin bajá bealde nollagrádas beaivet, mas lea uhccán arvi/muohtti.

Gielda ávžžuha ássiid geain leat opmodagat ja árvodávvirat dulvevára guovlluin ráhkkanit sihkkarastit opmodagaid ja árvvuid. Jávkadit bođu dávviriid mat vejolaččat mannet dulvvi mielde.


NVE lea ráhkadan dulveguovlokártta oassái Deanu čázádahkii Deanu gielddas. Diet guovllut leat eanet dulveváras go eará guovllut. Dárkkis fal iežat guovllu ja váldde vuolggasadjin ahte lea boahtimin 200 jagi dulvi
Digitale flomsonekart (100 og 200 års flom) på nett for Tana

Čáhcejohtu Deanus Buolbmága buohta:
https://www2.nve.no/h/hd/plotreal/Q/0234.00018.000/

Suoma prognosat
http://wwwi2.ymparisto.fi/i2/yleisoEnnusteetJaVaroitukset/#homeSv

Giđđadulveanalysa miessemánu 14.b. 2020. Dulvevuordámušat miessemánnui ja geassemánnui 2020
https://www.varsom.no/nytt/nyheter-flom-og-jordskred/varflomanalyse-14-mai-2020-flomutsikter-for-mai-juni-2020/

Muohtameari proseantaloguin
http://www.senorge.no/?p=senorgeny&m=bmNVEGrey%3BMapLayer_swepr%3B&l=no&d=1589778000000&e=703238%7C7642388%7C1353479%7C7930932&fh=0%3B2468