Language Language Language Visning: A A A A A
toppbilde

Áigemearri cealkámušaide: 29.05.20

Dieđáhus smávvafanashápmana muddenbargu álggahuvvo Juovlavuonas

Duogáš

Plána- ja huksenlága § 12 vuođul dieđihuvvo dákko bokte ahte Deanu gielda lea álggahan čuovvovaš plánabarggu:

Detáljamuddema smávvafanashápmanii Čámmájogas, Juovlavuonas

Dan oktavuođas čujuhuvvo gielddastivrra čoahkkima 19.02.2020 mearrádussii, áššenr. 14/2020, plánabarggu álggaheami birra. Rambøll Norge AS, Álttá ossodat, lea bálkáhuvvon plánafágalaš konsuleantan.

Oversiktskart for planområdet.png

Plánaguovlu

Plánaguovlu lea Čámmájoga oivošis Juovlavuonas, Deanu gielddas, ja siskkilda areálaid sihke nannámis ja jogas/mearas. Loahpalaš plánaráddjen árvvoštallo lagabui joatkka plánaproseassas. Plánaguovllu ráddjen čájehuvvo vuolábealde kártaoasážiin.

Planavgrensning for Austertana småbåthavn.jpg

Plána ulbmil

Muddenplána ulbmil lea ordnet dili smávvafanashápmana ásaheapmái. Doaimma oktavuođas lea dárbu bodnerivohii ja deavdimii, ja divodit luotta ja eretvuodjinluotta fg 8082 guvlui. Dasa lassin áigot ordnet dálá saji gokko fatnasiid geassá gáddái ja ráhkadit biilabisánansaji.

Áigemearri cealkámušaide

Sis geain leat cealkámušat plánabargui galget daid sáddet Norge AS, boastaboksa 1077, 9503 Áltá, vej. e-poasttas čujuhussii alta@ramboll.no, maŋemusat 29.05.20. Jus ležžet jearaldagat áššis, de sáhttá daid jearrat Karianne Lund Heitmann, juogo e-poasttas čujuhussii karianne.heitmann@ramboll.no, dahje telefovnnas +47 476 19 087.

 Vuolábealde liŋkkain gávdná álgindieđáhusa, referáhta álggahančoahkkimis, KU luondduvalljivuohta ovddeš plánaproseassas gielddastivračoahkkima beavdegirjji 19.02.20.