Language Language Language Visning: A A A A A
toppbilde

Gieldda doarjja ealáhussii mii lea koronadoaimmaid boađusin

Deanu gieldastivra lea dahkan čuovvovaš mearrádusa cuoŋománu 16.b. čoahkkimis:

Deanu gielda oaivvilda ahte koronakriisa lea uhkádussan stuorámus oassái ealáhussii Deanus. Gielda ballá ahte dat stáhtalaš doaibmapáhkat eai reahke fitnodagaide main lea muđui dearvvasekonomiija ceavzit kriisa badjel.

Deanu gielda áigu doallat erenoamáš fokusa dakkár fitnodagaide mat eai oaččo stáhta veahki, ja mat dárbbašit heahteveahki vai sáhttet joatkit viidásat. Dat eaktuda ahte fitnodagain lei dearvvasekonomiija álggu rájus.

Deanu gielda áigu skáhpponnjuolggadusaid siskkabealde gávppašit báikkálaš fitnodagain doarjun dihtii Deanu ealáhusaid.

Gielda áigu áradit golbma prošeavtta vai sihkkarastá gildii huksendoaimmaid.

1. Vai sihkkarastá Joddu prošeavtta ovdáneami de bálkáhuvvo prošeaktajođiheapmi olggobealde mii galgá ráhkadit prošeaktaevttohusa. Gieldastivra bivdá ovdagotti ášši čuovvulit Joddu prošeaktajođihanvirggiin lagaš dialogain nationála luondduluossaguovddážiin amas massit áiggi ja vai doalaha bargotempo deattu allin vistehuksenprošekteremis.

2. Dál biddjojuvvojit ruđat vai beassá ráhkadit dilálašvuođaraportta gos leat birasviesu divodanevttohusat mielde.

3. HOOK bivdojuvvo ovdanbuktit ášši gos lea ođđa mánáidgárddi ráhkadeapmi ja Deanu mánáidgárddi divodeapmi ja viiddideapmi. Jus ođđa mánáidgárdi galgá ráhkaduvvot, bivdojuvvo boahtteáigge sámegielatmánáid fálaldat čilgejuvvot.

Gieldda ealáhusfoanda lea čájehan hui deaivilisvuođa áiggiid čađa. Dan dihtti addojuvvo dasa lasáhus. Hovedutvalget HUN sáhttá spiehkastit gieldda njuolggadusain mat gusket ealáhusfondii ja vuođđoealáhusfondii dássážii go dilli fas normaliserejuvvo.

Sihkkarastin dihtii risikodáhtolaš kapitála ealáhusaide addojuvvo lasáhus Sis-Finnmárkku Investerenfitnodahkii mii vuoruha Deanu fitnodagaid.

Juolludeamit:

•          Ealáhusfondii                                                    300 000

•          IFI:i                                                                    300 000

•          Birasviesu dilálašvuođaraporta                         150 000

•          Olggobeale prošeaktajođiheapmi Joddu          100 000

Sisadinen dahkkojuvvo dan láhkai ahte geahpida bušeterejuvvon veahádatgeavaheami supmiin 850 000. 

Báikkálaš mašiidnaoamasteaddjit sáhttet oažžut uhccánat bargguid jagis 2020 go ovddit jagiid.

Dál leat báhccán bajásdoallanbarggut ja smávit buorideamit eanadoallogeainnuide.

Dál biddjojuvvo sierran ru.100.000 eanadoallogeainnuid buorideapmái. Vurdojuvvot ahte dat dahkkojuvvo báikkálaš mašiidnaoamasteddjiiguin. 

Nuorrabargu
Gieldastivra juolludat 100.000 ruvnnu, lassin nuorrabargui ja 5000 ruvnnu oahpahusjuolludeapmái juohke etablerejuvvon bargosadjái. Muđui dohkkehuvvon njuolggadusaid čállosii.

Gieldda geainnut
Gieldastivra bivdá hálddahusa ráhkadit plánaid gieldda geainnuid buorideapmái Luovttejohleahkái, Mátta Luovttejohkii, Máskejohkii ja Suoidnenjárgii vai bargguid sáhttá álggahit dalán go ráđđehusa kriisapáhkat leat válbmašat.