Language Language Language Visning: A A A A A
toppbilde

Errenmearrádus mátkkošteddjiide geat bohtet deike guovlluin Davvi-Norgga, Trøndelága ja Møre ja Romsdal olggobealde 08.04.20 rádjái

Maŋidan dihte Covid- 19 njoammuma, de Deanu gielddaváldodoavttir dahká dán mearrádusa njoammuneastadanlága § 4-1 vuosttaš lađđasa d bustáva mielde:

1. Buohkat geat bohtet gildii guđet leat mátkkoštan guovlluin mat namuhuvvojit 3. Čuoggás biddjot 14 beaivvi ruovttuerremii maŋŋel go deike bohtet.

2. Olbmuide geain šaddá dávda dahje ožžot dávdamearkkaid errenáiggis, gustojit eiseválddiid iešguđet áiggi gustovaš láidestusat molsut erremis sirremii.

3. Mearrádus siskkilda dáid guovlluid: Fylkkaid Oslo, Agder, Rogaland, Viken, Vestfoldda ja Telemárkku, Innlandet ja Vestlándda.

Dát lea joatkka 26.03.20 mearrádusas. Vuođušteapmi lea veaháš eanet čilgejuvvon, ja heivehuvvon ođđa nationála bagadussii. Gielddaváldodoaktárii lea fápmuduvvon ovddasvástádus ja son dahká mearrádusa gielddastivrra meannudeami rádjái boahtte gielddastivrračoahkkimis 16.04.20. Lea dehálaš bisuhit báikkálaš errenmearrádusaid dassážii, ja errenmearrádusaid joatkkabarggus váldo nationála bagadus vuhtii.

Gieldda heahtejođihangoddi dieđiha stuora beroštusa báikkálaš errenmearrádusaide, eaige leat raporterejuvvon dat leat buktán bárttiid ealáhusdoaimmaide.

Gielddaváldodoavttir deattuha nai lea stuora fágalaš doarjja errenmearrádusaid ávkki birra Davvi-Norgga servodatmedisiinnalaš birrasis.


Gáržžádusain leat dát spiehkastusat:

a) Orusteapmi girdihápmaniin guovlluin 3.čuoggá mielde ii adno leat orrumin guovllus. Seamma guoská go mátki dáhpáhuvvá bargoveaga lonuheami oktavuođas feastonuohttefatnasis, fatnasiin mat fievrredit ealli guliid je.
b) Orrun oljobohkanrusttegiin/nannánjuolggis ja dasto mátkkošteapmi ruoktot ii adno leat orrumin guovlluin mat namuhuvvojit 3. čuoggás.
c) Gálvo- ja olbmuidsáhtostanvuoddjit ja bargit ožžot spiehkastusa dán mearrádusa errengáibádusas. Dát guoská nai bargiide geat dárbbašuvvojit čađahit fievrredeami/sáhtostallama.
d) Doaimmaid jođihangottit geat listejuvvojit DSB definišuvnna mielde gullame servodat dehálaš doaimmaide, ožžot lobi spiehkastusaid dahkat iežaset čoavddaolbmuide go lea áibbas dárbbašlaš bisuhit dohkálaš doaimma dehálaš servodatdoaimmain.
e) Olbmot geain ii leat priváhta viessu/orrunbáiki ožžot lobi idjadit hoteallain.

Nationála bagadusa lasáhusat:

Dát čuoggát leat belohahkii namuhuvvon bajábealde, muhto dat aiddostahtto nationála bagadusas ráva addit dáidda spiehkastusa gáržžádusain, man gielddaváldodoavttir doarju:

  • Dehálaš servodatdoaimmat, nu movt meroštallojit iešguđet áiggi gustovaš nationála mearrádusain
  • Almmolaš bálvalusdoaibma ja váldečađaheapmi, nugo mánáidsuodjalus
  • Orusta gielddas, muhto ii oro doppe
  • Mánát juogaduvvon orrunbáikkiin ja mii dasto čuohcá bearehaga bearašeallimii
  • Olbmot geat rasttidit gielddarájiid mátkkis gaskal orrunsaji ja bargobáikki, ja iešguđet bargosajiid gaskkas, ja mii lea hehttehussan bargit sáhttet bisuhit iežaset bargguid ja ahte bargoaddiide ain sihkkarasto bargofápmu
  • Person- ja gálvofievrredeapmi (geainnus, mearas ruovdemáđijas dahje áimmus)
  • Doaimmat mat leat dehálaččat doaimmaid buvttadeami bisuheapmái, earret eará, bajásdoallan, divodeamit, váráiduhttinlinjját, spesialiserejuvvon bálvalusat je.


Mearrádus lea fámus 02.04.2020 rájes ja doaibmá 08.04.20 rádjái. Mearrádus sáhttá maid ovdal dan loahpahuvvot sierra mearrádusas. Mearrádus dievasmahttá Dearvvašvuođadirektoráhta 12.03.2020 mearrádusa.

 

Dás sáhtát lohkat olles mearrádusa oktan vuođuštusain.