Language Language Language Visning: A A A A A
toppbilde

Mearrádus"máttaolbmuid erren" 01.04.20 rádjái

Olbmot geat bohtet guovlluin Davvi-Norgga olggobealde gohččojuvvojit 14 beaivásaš erremii. Dát lea fámus gitta 01.04.20 rádjái.

 

Deanu gielddaváldodoaktára mearrádus Covid-19

Maŋidan dihte Covid- 19 njoammuma, de Deanu gielddaváldodoavttir dahká dán mearrádusa njoammuneastadanlága § 4-1 vuosttaš lađđasa d bustáva mielde:

1. Buohkat geat bohtet gildii guđet leat mátkkoštan guovlluin mat namuhuvvojit 3. Čuoggás biddjot 14 beaivvi ruovttuerremii maŋŋel go deike bohtet.
2. Olbmuide geain šaddá dávda dahje ožžot dávdamearkkaid errenáiggis, gustojit eiseválddiid iešguđet áiggi gustovaš láidestusat molsut erremis sirremii.
3. Mearrádus siskkilda dáid guovlluid: Fylkkaid Oslo, Agder, Rogaland, Viken, Vestfoldda ja Telemárkku, Innlandet ja Vestlándda.


Gáržžádusain leat dát spiehkastusat:

a) Orusteapmi girdihápmaniin guovlluin 3.čuoggá mielde ii adno leat orrumin guovllus. Seamma guoská go mátki dáhpáhuvvá bargoveaga lonuheami oktavuođas feastonuohttefatnasis, fatnasiin mat fievrredit ealli guliid je.
b) Orrun oljobohkanrusttegiin/nannánjuolggis ja dasto mátkkošteapmi ruoktot ii adno leat orrumin guovlluin mat namuhuvvojit 3. čuoggás.
c) Gálvo- ja olbmuidsáhtostanvuoddjit ja bargit ožžot spiehkastusa dán mearrádusa errengáibádusas. Dát guoská nai bargiide geat dárbbašuvvojit čađahit fievrredeami/sáhtostallama.
d) Doaimmaid jođihangottit geat listejuvvojit DSB definišuvnna mielde gullame servodat dehálaš doaimmaide, ožžot lobi spiehkastusaid dahkat iežaset čoavddaolbmuide go lea áibbas dárbbašlaš bisuhit dohkálaš doaimma dehálaš servodatdoaimmain.
e) Olbmot geain ii leat priváhta viessu/orrunbáiki ožžot lobi idjadit hoteallain.


Mearrádus lea fámus 25.03.2020 rájes ja gusto gitta 01.04.20 rádjái. Mearrádus sáhttá sierra mearrádusas loahpahuvvot árabut áigemuttus. Mearrádus dievasmahttá Dearvvašvuođadirektoráhta mearrádusa beaiváduvvon 12.03.2020.

 Dás sáhtát lohkat olles mearrádusa oktan čilgehusain.