Language Language Language Visning: A A A A A
toppbilde

Háliidat go šaddat veahkkeduopmárin áigodahkii 2021-2024?

Háliidat go šaddat veahkkeduopmárin? Sáhtát dieđihit ahte háliidat leat veahkkeduopmárin áigodahkii 2021-2024. Gielda ávžžuha maiddái álbmoga árvalit válgaevttohasaid. Gielddastivra galgá maŋimuštá geassemánus válljet veahkkeduopmáriid ja árvvoštallanjoavkku boahtte áigodahkii. Vai sáhttá válbmet válgga de bivdit mii buktit evttohasaid dán beaivemearrái cuoŋománu 17.b.
 

Makkár barggut gullet veahkkeduopmárii? 
Veahkkeduopmárat leat dábálaš gielddaássit geat leat mielde mearrádusdahkamis riekteáššiin. Go leat veahkkeduopmárin de sáhtát vuordit ahte don gohččojuvvot boahtit oktii dahje guktii jahkái. Eanáš riekteáššit bistet ovtta beaivvis golmma beaivái, muhto muhtun áššit sáhttet bistit guhkit. Veahkkeduopmára luohttámušdoaibma lea servodat geatnegasvuohta, ja dábálaččat oaččut don friija barggus vai sáhtát čađahit doaimma. Jus don manahat bargodietnasa, de oaččut buhtadusa dasa. Veahkkeduopmára luohttámušdoaibma Sis-Finnmárkku diggegottis, Hålogalándda láhkamannerievttis dahje eanajuohkinrievttis mearkkaša ahte don leat okta daid veahkkeduopmáriin geat leat mielde dubmemin ovttas juridihkalaš fágaduopmáriiguin. 

 

Gii sáhttá šaddat veahkkeduopmárin? 

Láhkaortnet (duopmostuolloláhka) bidjá gáibádusaid sidjiide geat sáhttet válljejuvvot veahkkeduopmárin. Muhtun gáibádusat leat:
 

• don gulat Deanu gieldda álbmotlogahallamii 

• don leat badjel 21 jagi ja vuollil 70 jagi válgaáigodaga álggus 01.01.2021

• don hálat ja áddet dárogiela 

• don leat riikkalahtu Norggas dahje eará davviriikalaš riikkas, dahje leat merkejuvvon álbmotlogahallamii gii lea ássan Norggas dan maŋimuš golbma jagi 

 

• lávdegottis galget seamma olu nissonat go albmát 

• lávdegottis galgá leat viiddis čoahkkádus, vai dat buoremusa lági mielde ovddasta buot servodatosiid álbmogis 

• válljemii gávdnojit maid lihccunnjuolggadusat virggi ja láhttemiid geažil.

Eanet dieđuid gávnnat dáppe www.domstol.no/lekdommer

 Mo šaddá veahkkeduopmárin? 
Jus don háliidat leat veahkkeduopmárin áigodagas 2021-2024 sáhtát iežat beroštumi dieđihit go deaddilat dán skovi

Sáhtát maid dieđihit iežat beroštumi dahje evttohit eará kandidáhtaid e-postii: postmottak@tana.kommune.no dahje riŋget deike 46400200.

Sis geat háliidit leat veahkkeduopmárin dárbbašat mii čuovvovaš dieđuid: 

  • Ovdanamma, (vejolaš gaskanamma), goargu
  • Álbmotlogahallan čujuhus
  • Riegádannummir
  • Mátketelefovdna ja e-poasta
  • Ámmát ja virgi   (omd. Agronoma ja šibitdoalli)
  • Háliiduvvo válljejuvvot deike: ____________________

Dán áigodaga veahkkeduopmáriidda boahtá njukčamánus SMS gielddas gos mii bivdit háliidatgo/it háliit joatkit veahkkeduopmárin. Veahkkeduopmáriid válljema áššemeannudeaddji lea Frode Gundersen, mátketel.  46400305, e-poasta: fg@tana.kommune.no 


Deanu gildii galget čuovvovažžan válljejuvvot:

Sis-Finnmárkku diggegoddi:         40 veahkkeduopmára (20 nissona ja 20 albmá)
Hålogalándda láhkamanneriekti:    2 láhkariekteláhtu/veahkkeduopmára (1 nisu ja 1 almmái)
Finnmárkku Eanajuohkinriekti:       4 eanajuohkinveahkkeduopmára (2 nissona ja 2 albmá)
Sis-Finnmárkku duopmogildii   Deanu gielda galgá árvalit eanet lahtuid árvvoštallanjovkui      

Olbmot sáhttet válljejuvvot juogo láhkamanneriektái dahje diggegoddái ii guktuid báikkiide. Dat geat válljejuvvojit diggegoddái dahje láhkamanneriektái sáhttet dattetge válljejuvvot eanajuohkinriektái dahje árvaluvvot árvvoštallanjoavkolahttun.

Dat geat háliidit leat eanajuohkinrievttis dahje árvvoštallanjoavkkus gullá sin bargui dihtoštallat mehciin ja eatnamiin, ja dat geat válljejuvvojit sis ferte leat buorre dearvvašvuohta ja nagodit johtit luonddus.:
Eanajuohkinriekti: háliida veahkkeduopmára gii lea erenoamáš čeahppi dahje sus lea gealbbolašvuohta ovtta dahje eanet daid čuovvovaš fáttáin eanadoalus, giddodat árvomeroštallamis, boazodoalus.
Árvvoštallanjoavkolahtut: háliidit lahtuid geat leat erenoamáš čeahppi dahje sis leat gelbbolašvuohta luonddugeavahusas, vuođđoealáhusain, giddodat/rivttiid árvoárvvoštallamis.

Buot lávdegottiin lea stuorra ovdamunni jus lea digitála gelbbolašvuohta.

Jus eai leat doarvái veahkkeduopmára geat leat almmuhan iežaset beroštumi, de válljejuvvojit sahtedohko sihke nissonat ja albmát dássidis lohkui dan árvaluvvon listii. Maŋŋá go lea dárkkistuvvon ahte eavttut leat dohkkehuvvon duopmostuollolága mielde ja meannudusduođaštus lea vižžojuvvon, biddjojuvvo ráđđevissui árvaluvvon kandidáhtaid lista almmolaš geahčadeapmái. Deanu gielddastivra dahká mearrádusa maŋimuštá geassemánus 2020:s. Dan maŋŋá celkojuvvo čálalaččat ahte don eat válljejuvvon veahkkeduopmára luohttámušdoibmii.