Language Language Language Visning: A A A A A
toppbilde

Sierra telefonnummar ásahuvvo

Ealáhusgárddit ja regiovdnaráđđi ovttasbarget fitnodatrávvemiin

Nuorta-Finnmárkku regiovdnaráđis:

*** 

Nuorta-Finnmárkku regiovdnaráđđi álggii árrat ovddit vahkus váldit oktavuođa báikkálaš ealáhusdoaimmaiguin oažžut bajilgova akuhtta dilis. Mii leat maid leamaš oktavuođas ealáhusgárddiiguin ja ealáhusservviiguin mat doibmet min guovllus. Ruovttoluottadieđuid vuođul maid oaččuimet, de válddiimet oktavuođa fylkkagieldda ealáhusossodagain ja álggaheimmet gulahallama singuin movt mii buoremusat sáhttet joksat smávva ja gaskastuora fitnodagaid mat dál rahčet akuhtta máksinnákca váttisvuođaiguin. Guhkes historjjá dahkamis oanehažžan, de soabaimet ealáhusgárddiiguin (Girkonjárga, Sápmi, Hermetikken ja Linken) fállat buot fitnodagaide min doaibmaguovllus, beroškeahttá miellahttuvuođas dahje ii, veahki báŋkkuid, velgoheddjiid, váikkuhusgaskaoapmevuogádaga ja almmolaš etáhtaid jnv. ektui, mánnodaga njukčamánu 23.b. rájes. Ásahuvvo “báhkkalinnjá” mainna fitnodagat/ovttaolbmofitnodagat sáhttet váldit oktavuođa. Ealáhusgárddit doaimmahit dán bálvalusa searválaga. Eaktun go mii dán galgat nagodit dahkat lea ahte mii oažžut ekonomalaš doarjaga Fylkkagielddas. Ohcan mas Nuorta-Finnmárkku regiovdnaráđđi lea fierpmádatjođiheaddji, sáddejuvvui Fylkkagildii bearjadaga.

Mii diehttelasat bures diehtit ahte váikkuhangaskaoapmevuogádat, báŋkkut ja muhtun gielddat leat ollásit jođus láhčime dili vai fitnodagat galget ceavzin dan dilis masa mii leat šaddan, muhto mii oaččuimet maid dieđuid ahte smávimus fitnodagat rahčat gávdnat gean ektui bargat ja movt bargat ovddasguvlui. Lea vuosttažettiin dákko gokko mii háliidit veahkehit.

Dilli gal ii leat moktege earenoamáš Nuorta-Finnmárkui. Danin jáhkkimis Fylkkagielda addá seammalágan doarjaga eará regiovnnaide gos sáhttet juoga dákkára organiseret báikkálaččat.