Language Language Language Visning: A A A A A
toppbilde

Ođasmahtton: Olbmot eará gielddain sáhttet ohcat lobi viežžat telttáid, gumpiid ja eará biergasiid

Ođasmahtton 20.03.2020

Aiddostahttojuvvo ahte lohpi ii atte vuođu eará doaimmaide go fievrredit biergasiid. Ii leat lohpi idjadit, guolástit dahje vuoiŋŋastit.

***

Čuovusin go skohterláhtut leat giddejuvvon olggobeale gili olbmuide, de sáhttá várra ahte mii guođđit meahccái tealttáid, gumpiid ja eará biergasiid. Gielddas lea stuora ovddasvástádus hehttet nuoskkideami. Danin lea mearriduvvon ahte sáhttá ohcat lobi geavahit muohtaskohtera viežžat meahcis biergasiid.

Ohcanlobi sádde e-boasttas čujuhussii postmottak@tana.kommune.no.

Mii dárbbašit dáid dieđuid:

  • Namma, čujuhus, telefonnummar
  • Makkár biergasiin lea sáhka
  • Báikečilgehus/guovlu
  • Makkár áigodahkii ohcá (mii ráddjet dán 2-3 beaivái)
  • Galle skohterii ohcá lobi (dábálaččat mii lobi addit guovtti skohterii)

Lobit addojit spiehkastussan gieldadoaktára johtolatmearrádusain, eaige mohtorjohtolatlága mielde. Johtolatgáržžidemiid ulbmil lea hehttet njoammuma, ja guovddáš eiseválddit leat ráhkadan láhkaásahusa mat buktet gáržžádusaid astoáiggeopmodagain orrut. Lohpi ii danne atte láhkavuođu idjadit tealttás dahje gumpis ovdalgo vuodjá meahcis vulos. Lea dehálaš dat dahkko ovdal beassážiid, go vásáhusat diibmá čájehedje siivu sáhttá rievdat measta juo ija badjel. Gielda ipmirda muhtun gumpit leat lossadat, ja lea oadjebas veahki váldit mielde, ja boahtá danne dohkkehit ahte lohpi sáhttá adnot guovtti skohterii. Eai biddjo ráddjehusat mátkkiid lohkui, daningo lohpi liikká bistá dušše oanebotta. Mii bivdit seammás ahte ii guođđit dakkár biergasiid biilabisánansajiide gos láhtut álget. Mii eat dieđu bohtet go guovddáš eiseválddit gáržžidit johtolaga gielddaid gaskkas vel eanet.  

Sis geain leat vuoiŋŋahatvuolšši dávdamearkkat, galget ihkinassii leat ruovttus, ja lohpi lea dakkár oktavuođain eahpegustojeaddji.