Language Language Language Visning: A A A A A
toppbilde

Gielddus mearrádus barttaide mannamis ja skohterjohtolaga gielddus ássiide geat eai ása gielddas njoammusuodjelága mielde

Dál sáhttet eará gieldda olbmot ohcat lobi viežžat telttáid, gumpiid ja biergasiid. Geahča sierra ášši ruovttusiiddus.

Jus galgá bissehit leavvamis Covid-19 ja dárbbašmeahttun guorbmádit daid báikkálaš  dearvvašvuođaossodagaid dahká Deanu gieldda hoavdadoavttir 18.03.2020 čuovvovaš mearrádusa, njoammusuodjelága mielde § 4-1 vuosttaš ja goalmmát laktásis:

1. Buohkat geat eai ása Deanu gielddas eai beasa fitnat iežaset barttain.
2. Buohkat geat eai ása Deanu gielddas eai oaččo johtit skohterluoddaráiggiid mielde gielddas.

Mearrádus lea fámus dalán dán beaivemearis ja áiggemearis: 19.03.20 dii. 08:00 ja lea gustojeaddji dassážii go ođđa mearrádus lea dahkkon.

Gielddahoavdadoavttir ávžžuha maid garvit mátkkoštemiid olggobealde gieldda rájáid, earret jus lea áibbas bákkolaš.

Spiehkastatmearrádusat:
1. Bargoveahka mii oassálastá gádjun- dahje eváhkkodoaimmain buhcciid, roasmmohuvvan dahje eará diliin gos lea heaggavárra.
2. Bargoveahka mii lea juo barttain gielddas oažžu mátkkoštit ruoktot skohteriiguin jus ii leat erremis dahje sirremis njoammušuodjelága mielde ja lea mearriduvvon leat doppe.

Rievttálaš vuođusteapmi

Covid-19 lea julggaštuvvon erenoamáš váralaš njoammu álbmotdávdan mas sáhttá oažžut duođalaš dearvvašvuođaváikkuhusaid máŋga olbmui. Dávda lea julggaštuvvon pandemiijan ja duođalaš dáhpáhussan mas leat viiddis váikkuheamit riikkaidgaskasaš dearvvašvuhtii Máilmmi dearvvašvuođaorganisašuvnnas.

Dearvvašvuođadirektoráhta mearridii 12.03.20:s viiddis doaimmaid vai cakkašii Covid-19 leavvama ja vai bisuhivččii dárbbašlaš dearvvaš- ja fuolahusbálvalusaid. Doppe cealká ná:
“Dearvvašvuođadirektoráhta háliida ahte sisriikka fievrrideapmi galgá joatkit dábálaš vuogi mielde, muhto mii ávžžuhat garrasit buohkaid garvit astuáigge mátkkoštemiid. Mii ávžžuhit garvit dakkár mátkkiid maid ii leat áibbas dárbu čađahit (sihke sisriikkas ja olgoriikkas), garvve almmolaš fievrruid jus lea vejolaš, garvve báikkiid gos don álkit boađát olbmuid lahka, garvve lagaš oktavuođa earáiguin.” 

Covid-19 epidemiijas lea dál ieš guđet lágan viidodagat Norggas. Álbmotdearvvašvuođainstituhtta lea cealkán ahte  epidemiija lea sirdašuvvan dan dássái gos ii šat nagot čielgasit gávdnat gos dat njoammuvuolggasadji daidda geat buohccájit. Mii mearkkaša ahte buot njoammundáhpáhusaid ii šat sáhte čujuhit olgoriikii. Deanu gielddas lea njoammunvejolašvuohta oalle uhccin, ja sáhttá vel ge árvalit gos njoammunvuolginsadji lea. Gielddahoavdadoaktára mielas dat lea mearrideaddjin vai geahpida njoammunvára eará gielddain. Gieldda bákkolaš servodatdoaimmat leat erenoamáš hearkkes dilis jus šaddá viiddis epidemiija. Dearvvaš- ja fuolahusbálvalusas gielddas lea ráddjejuvvon kapasitehta vára váldit máŋga buohccis, ja lea guhkes mátkki lagamus buohccivissui. Stuorra oassi dearvvuođabargiin leat ruovttuerremis, ja dilli lea duođalaš.

Gielddahoavdadoavttir árvvoštallá ahte doaibmá buktá uhccánaš ja ii nu garra konsekveanssaid sidjiide geaidda dat guoská, muhto doaimmas lea dađi stuorát ávki.  

Gielddahoavdadoavttir oaidná dán mearrádusa lunddolaš čuovvumuššan Álbmotdearvvašvuođainstituhta ávžžuhussii, ja Dearvvašvuođadirektoráhta nationála mearrádussii. Dálá dilis lea dárbbašlaš eastadit ja vuosttildit viidáneami covid-19:s ja lea mearrideaddjin ahte bidjá doaimmaid johtui johtilit. Doaibma árvvoštallo dárbbašlažžan vai suodjala hearkkes joavkkuid ja vai bisuha dárbbašlaš kapasitehta dearvvašvuođabálvalusas.

Gielddahoavdadoavttir árvvoštallá njoammuneastadandoaimmas lea medisiidnafágalaš vuođuštus, lea dárbbašlaš njoammunsuddjemii ja vai bisuha dárbbašlaš njoammunsuddjenkapasitehta gielddas ja dearvvaš- ja fuolahusbálvalusas. Doaibma árvvoštallo danne dili ektui ávkkálažžan go ollislaččat geahččá 

Gielddahoavdadoavttir Kjell Magne Johnsen, 18.03.2020