Language Language Language Visning: A A A A A
toppbilde

Ođđa njuolggadusat rádjadárkkisteamis, rádjarasttildeamis ja gevremis

 

Koronadili geažil lea ráđđehus mearridan ođđa njuolggadusaid rádjedárkkisteapmái, rádjarasttildeapmái ja gevremii.

Dá leat gažaldagat ja vástádusat daidda ođđa njuolggadusaide.

  • Preassadieđáhus njukčamánu b. 14.: Čavge rádjedárkkisteami
  • Láhkačálus njukčamánu 15. beaivvis: Láhkaásahus gevret je. olgoriikkalaččaid geain ii leat orrunlohpi riikkas álbmotdearvvašvuođa várás

Makkár olgoriikkalaččain lea vuoigatvuohta boahtit Norgii?

  • Dat geain leat vuoigatvuođat boahtit leat:
    • olgoriika ássit geain leat orrunlobit
    • EØS-ássit, ja sin bearašlahtut geaidda guoská dát friija johtaleapmi, geat ásset dahje barget Norggas. Guoská maiddái EØS-ássiide geat leat vuolggahuvvon bargit mat leat álgán muhtun bargodoaimmaide.
    • olgoriika ássit geaidda ii guoskka ruovttuerrenáigegeatnegasvuohta láhkaásahusas man Dearvvaš- ja fuolahusdepartemeanta lea addán ruovttuerrenáigodahkii. Dát guoská ee. olgoriika áššiide geat leat áibbas dárbbašlačča vai sáhttá bisuhit áibbas bákkolaš servodatdoaimmaid.
    • olgoriika ássit geat bargooktavuođas johtet ássanbáikki ja bargosaji gaskka, ja dan oktavuođas rasttildit Norgga, Ruoŧa ja Suoma rájáid.
    • olgoriika ássit geat leat girdiidšiljuin vuordimin ahte besset guođđit Norgga.
    • olgoriika ássit geat ohcet dorvvu (asyl).
  • Muđui sáhttet erenoamáš sivaid geažil oažžut eará ge olgoriika ássit sisa mátkkoštan vuoigatvuođa. Dat guoská ee. maid muhtun oktavuođaide gos leat sierra čálgoberoštumit. Makkár konkrehta dáhpáhusaide dat guoská, lea lagabut čilgejuvvon departemeantta johtočállosis GI-4/2020.
  • Dás deattuhuvvo ahte spiehkastagat gevrennjuolggadusain ii mielddisbuvtte spiehkastagaid daid gustojeaddji errenáigge njuolggadusaide.

Sáhttet go olgoriika ássit geain leat orrunlohpi mátkkoštit Norgii?

  • Juo, olgoriika ássit geain leat orrunlobit sáhttet mátkkoštit sisa.

Sáhttet go EØS-ássit geat áigot leat oanehisáiggi Norggas mátkkoštit sisa?

  • Dušše jus sis lea orrunlohpi dahje bargu. EØS-ássiin ferte leat bargu dahje ássansadji Norggas vai sáhttet mátkkoštit sisa.

Sáhttet go ruoŧa, suoma dahje dánskka ássit mátkkoštit sisa?

  • Eai, dat sáhttet dušše mátkkoštit sisa jus sis lea bargu dahje ássansadji dáppe. Sidjiide sáhttet guoskat errenáigeortnegat mat gusket sidjiide geat mátkkoštit sisa olgoriikkas.

Sáhttet go EØS-ássit, dán vuolde davviriikalaš ássit geat mátkkoštit sisa ovdal vuossárgga njukčamánu 16.b. dii. 08:00, ja geat daid dábálaš njuolggadusaid mielde leat lobálaččat, joatkit dáppe orostallama nu guhkká go sis lea lohpi olgoriikkalaččaidlága mielde?

  • Juo, dat sierra láhkačálus olgoriika ássiid gevremis njukčamánu 15.b. 2020:s, ii guoskka álgoriika ássiide geat mátkkoštedje sisa ovdal njukčamánu 16.b. dii. 08:00.

Sáhttet go olgoriika ássit olggobealde EU’ geat mátkkoštedje sisa ovdal vuossárgga njukčamánu 16.b. dii. 08:00, ja geat daid dábálaš njuolggadusaid mielde leat lobálaččat, joatkit dáppe orostallama nu guhkká go sis lea lohpi olgoriikkalaččaidlága mielde?

  • Juo, dat sierra láhkačálus olgoriika ássiid gevremis njukčamánu 15.b. 2020:s, ii guoskka álgoriika ássiide geat mátkkoštedje sisa ovdal njukčamánu 16.b. dii. 08:00.

Sáhttet go EEO-ássit, dán vuolde davviriikalaš ássit, mátkkoštit Norgga čađa go leat ruoktot mannamin?

Juo, dan gal sáhttet.