Language Language Language Visning: A A A A A
toppbilde

Koronanjoammun – beaivválaš ođasmahttin

Dás gávnnat dieđuid koronanjoammuma birra mii earenoamážit guoská Deanu gildii. Artihkal ođastuvvo go dilli ođasmahttojuvvo.

 

Ođasmahtton dieđut njoammundili birra Deanus
Odne ii leat ovttasge gávdnon njoammun, iige oktage leat biddjon erremii. Ovtta olbmos leat njoammuniskosiid váldán, dán iskosa eai sáhte analyseret báikkálaččat, ja mii vuordit bohtosa das.

Maid sáhtát dahkat jus doaivvut dutnje lea njommon?
Jus doaivvut dutnje lea njommon, de galggat váldit oktavuođa doavtterguovddážiin tlf. 45517700, dahje, riŋge doavtterváktii tlf. 116117. Dalle oaččut bagadusa boahtit vásedin boađáhahkii (uvssa) dan beallái dearvvašvuođaguovddážis gos NAV, DPS ja dearvvašvuođaossodagas lea boađáhat (uksa). Doppe dustejit du dearvvašvuođabargit geat dihtet maid viidáset galget bargat. Don it galgga boahtit doavtterguovddáža vuordinlatnjii. Dat lea dieđusge danin vai hehtte njoammuma eará pasieanttaide ja bargiide.

12.03.2020 Eaktodáhtolašguovddáš
Eaktodáhtolašguovddáš lea mearridan koronanjoammuma geažil gaskaboddosaččat giddet Deanu eaktodáhtolašguovddáža, ja gilikáfeijaid Sirpmás, Deanodagas/Gohpis, Ruostefielmmás/Suolováris, Buolbmágis ja Juovlavuonas. Ulbmiljoavku sáhttá hui hearki njoammumis.

12.03.2020 Gielda lea ásahan mátkegáržžidemiid bargiide
Mii leat bivdán min jođiheddjiid leat hui garrasat dainna makkár čoahkkimiidda ja mátkkiide min bargit sáhttet searvat. Dát dahkko hehttet sihke njoammuma, ja vai sihkkarastá organisašuvnnas gelbbolašvuohta ja doaibmannávcca. Mii leat bivdán min jođiheddjiid dearvvašvuođabargiide árvvoštallat leago riekta maŋidit plánejuvvon luopmováldimiid lagamus vahkkuin.

 

Manin mii eat gidde skuvllaid ja mánáidgárddiid?
Mii čuovvut nationála rávvagiid, ja čuovvut daid. Odne ii leat mis gávdnon njoammun ovttasge gii gullá skuvlii dahje mánáidgárdái. Leat hui stuora váikkuhusat giddet skuvllaid, ja dat boahtá dagahit stuora hástalusaid mánáide ja váhnemiidda. Lea maid leamaš jearaldat ohppiid lášmmohallan- ja basseaŋŋadiimmuid birra.

Loga dás eambbo skuvllaid ja mánáidgárddiid birra.

Sáhttet go joavkkut ja searvvit čađahit iežaset doaimmaid?
Mii eat leat bidjan gáržžádusaid ovttage jovkui dahje searvái. Muhto mii registreret ahte nationála organisašuvnnain ja falástallanservviin leat sierra njuolggadusat, ja sii addet rávvagiid iežaset miellahttoservviide. Mii leat duhtavaččat go nationála organisašuvnnat dahket dakkár árvvoštallamiid.

Áigu go gielda bivdit olbmuid ii mátkkoštit eará riikkaide?
Mii bivdit juohke ovttaskas ássi čuovvut rávvagiid maid guovddáš eiseválddit addet iešguđet áiggi. Rádjegieldan lea váttis bivdit olbmuid ii vuolgit Njuorggámii gávppašit, muhto lea álki bivdit ahte olbmot eai mátkkoš riikkaide ja guovlluide gos lea njoammunvárra.

Deanu gielda bargoaddin boahtá árvvoštallat ahte bargit eai galgga mátkkoštit čoahkkimiidda ja kurssaide, ja berrejit go luopmoáiggit rievdaduvvot.

Sáhttet go fitnodagat geahpedit njoammunvára?
Lea álki geahpedit njoammunvára, dehálaš váldosátni lea dábálaš buhtisdoallan ja buhtisvuohta. Dalle lea dehálaš buhtisin doallat duolbadasaid maidda ollu olbmot gusket. Ovdamearkka dihte lea buorre earenoamážit fokuseret hivssegiid, uksageavjjaid, tráhpparittaid, gávppašanvovnnaid, máksinterminálaid jnv.

Gos mii gávdnat ođasmahtton dieđuid?
Guovddáš eiseválddit addet buoremus rávvagiid. Gielda dieđusge čuovvu buot eiseválddiid gohččosiid.
Álbmotdearvvašvuođainstituhtta soaitá leat deháleamos diehtogáldu. 
Helsenorge.no čujuhusas leat maiddái seamma buorit dieđut.

Leage nu buorre ja oza dieđuid dáin siidduin ovdalgo válddát oktavuođa dearvvašvuođaguovddážiin dahje suohkaniin eanet dieđuid oažžuma várás.