Language Language Language Visning: A A A A A
toppbilde

Birasbuoridandoaimmat Juovlajogas – NČE čađaha dál huksehusbargguid

Birasdirektoráhta, Kolarctic CBC ja foandda doarjja sihkkarastá čađaheami

 

Áigodagas sullii 1950 rájes ja 1980-jagiid rádjái ráhkaduvvojedje ollu stuora dulve- ja erošuvdnasihkkarastinrusttegat Juovlajoga ráigge. Johkagáttiid njulgejedje ja erošuvdnasihkkaraste jámma, fiinna gávaide. Čázis lassánii leahttu ja dat golggai jođánit merrii. Mearrarávdduid šaddan- gođđoguovllut billahuvve. Duohtadeamit Juovlajogas mielddisbukte nai ahte rukseslistošládja davveájarássi lunddolaš eallinbirrasat billahuvve.

20212 rájes ja dan maŋŋel leat čađahuvvon eanet doaibmabijut divodit čázádaga. Dán leat dahkan gaskkain gos dat ii leat áittan gilvojuvvon eatnamiidda, visttiide, geainnuide dahje eará vuođđostruktuvrii. Bargu lea dahkkon váldojogas, oalgejogain Hánájogas ja Basávžžejogas ja Petter Morsojoga nuoris. Johkaduvdagat leat leamaš váldon eret dahje sirdojuvvon, oalgejogat leat fas rahppojuvvon, steallit leat muddejuvvon, ja savvonat leat fas roggojuvvon bajás. Váldojogas lea okta billahuvvon johkaduvdda sirdojuvvon ja ođđasis huksejuvvon.

CCE0527F

Govva: NČE hukse ođđa johkaduvdaga/ dulvesuoji boares johkaduvdaga mássáiguin (Anders Bjordal filmmas, NČE)

2019/20 dálvi čađahuvvojit eanet doaibmabijut Hánájogas/ ja Petter Morsojogas ja doaibmabijut čađahuvvojit váldojoga davá- ja lulábealde. Juovlajoga lulábealde galgá 1,5 km johkaduvdda sirdojuvvot eret otná johkasuorggis vai fas beassá rahpat boares dulveeatnama. Davábealde galgá ráhkaduvvot ráigi johkaduvdagii vai duogábealde ja vuolábealde čázi beassá golgat sisa dulveeatnamii.

NČE čađaha bargguid 2 doaibmaplána mielde mas golut leat meroštallon máksit 250 000 ruvnno ja 2 000 000 ruvnno. Deanu gielda gokčá guovlluosiin 20% dáin goluin. Doarjja Birasdirektoráhta  čáhcebirasdoaimmaid doarjjaortnega bokte, mii oktiibuot dahká 840 000 ruvnno lea dagahan ahte Deanu gielda veahkeha oažžut doaibmabijuid čađahuvvot. Ruđat leat adnon detáljamuddenplánii, guovlluoassái ja vázzin- ja skohteršaldi prošeaktaevttohussii. Juovlavuona gilisearvi ja dan lustabivdiid joavku veahkeha maid sihkkarastime čađaheami go dohkkeha atnit 120 000 ruvnno guovlluoasi foanddas. Konsešuvdnalaš Pasvik Kraft máksá jahkásaččat 30 000 ruvnno fondii mii galgá buktit eanet mearrarávdduid Juovlajogačázádahkii.

Juovlajoga divodeapmi lea maid oassin rádjerasttideaddji ovttasbarggus KolarcticCBC ja dan vuollásaš Rearc (Ecological Restoration of Arctic Rivers). Maŋibu namuhuvvoma facebooksiiddus sáhttá geahččat filmma Juovlajoga bargguin (eŋgelasgillii). Kolarctic doarju doaibmabiju 800 000 ruvnnuin.

Bargu sirdit váldojogas 1,5 km johkaduvdaga álggii golggotmánus.  Dál álget maid barggut smávit doaibmabijuiguin Hánájogas ja Petter Morsojogas.

529D7FE5

Tevnnet: Bargguid stáhtusa ovdal juovlaluomu. Boares johkaduvdaga eretváldin čájehuvvo rukses sázuin, ođđa johkaduvdda fiskes sázuin. Rukses jorbbát leat kulturmuittut/lavdnjegoahtesajit (Anders Bjordal, NČE).

Lunddolaš dulveeatnamiid ođđasishuksen go sirdá 1,5 km johkaduvdaga boahtá buoridit mearrarávdduid dilálašvuođa go čáhceleahttu unnu, šaddanareálat lassánit ja dilálašvuođat buorránit dulveáigodagain. Ovttas eará doaibmabijuiguin čázádagas dat galgá veahkehit lasiheame rávdologu fas. Ruovttoluotta fievrredeapmi lunddolaš eallinbirrasiidda maid boahtá buoridit hearkkes šlája davveájarási dilálašvuođaid.

Doaibmabijut Juovlajogas leat oassin Deanu čáhceguovllu barggus ja leat ovttastahtton NorggaSuoma Čáhceregiovnna hálddašanplánii. Čáhcehálddašanplána lea ráhkaduvvon čáhceláhkaásahusa mielde mii siskkilda EO čáhcedirektiivva.