Language Language Language Visning: A A A A A
toppbilde

Mii dárbbašit astoáigeoktavuođaid Deanu gielddas

Ođđajagimánu 15.b.2020

Mii lea astoáigeoktavuohta? Astoáigeoktavuohta lea doarjjaolmmoš vai beassá ja boahtá fárrui daid doaimmaide maidda háliida.

Ovdamearka Sandnes gieldda astoáigeoktavuođat:

«Min golbma váldomihtu leat- Ovttaskas olbmo doarjut ja movttiidit. – Ordnet dili nu ahte ovttaskas olmmoš vásiha searvevuođa. – Ordnet kultur- ja astoáiggefálaldagaid ovttaskas olbmo eavttuid mielde. Mii veahkehit olbmuide iešguđetlágan dárbbuiguin oažžut seamma vejolašvuođaid go earát searvat kultur- ja astoáiggefálaldagaide, ovttaskas olbmo sávaldagaid ja dárbbuid vuođul. Vuollásaš áigumuš lea geavaheaddji oažžut doaibmat buoremusat su lagasbirrasis, maiddái go astoáigeoktavuohta ii lea fárus.”

Deanu gielda dárbbaša du gii háliidat veahkehit earáide addit miellagiddevaš astoáiggi. Lassin bálkái, de lea astoáigeoktavuođa bargu nai addevaš ja miellagiddevaš. Astoáigeoktavuohta galgá veahkehit geavaheddjiid geat dárbbašit veahki aktiivvalaš astoáigái. Dát dahkko sosiála ovttastallamiid ja iešguđet doaimmaid bokte.

«Astoáigeoktavuođat galget- čájehit geainnu kultur- ja astoáiggeeallimii. Ovttaskas olbmo doarjut ja movttiidahttit.  – Ordnet dili vai ovttaskas olmmoš vásiha leat oassin juoga mas – gullevašvuođa – Ordnet dili, vai ovttaskas olmmoš dovdá son juoga ládje lea veahkkin, nagoda juoidá ja lea ávkin. - Ordnet dili vai son sáhttá vásihit oktavuođa, ahte muhtun lea ”buorre munnje” ja berošta mus.” Vižžon čujuhusas fritidsmening.no

 

Gii sáhttá šaddat astoáigeoktavuohta?

Buohkat geat háliidit doarjut ja veahkehit earáid miellagiddevaš astoáigái sáhttet šaddat doarjjaolmmožin, muhto  lea dehálaš dus lea positiivvalaš olmmošoaidnu ja ahte don nákcet ovttasbargat. Ahki, sohkabealli ja beroštumit mearridit geasa don šaddat doarjjaolmmožin. Bargu sáhttá rievddadit moatti diimmus vahkkui máŋgga beaivái mánnosaččat. Ii gáibiduvvo makkár ge formálalaš sierra  gelbbolašvuohta , muhto dus/dis fertejit leat návccat ja beroštupmi lagamužžii.

Bálká: kr. 200,- kr diibmui. Duođaštuvvon goluid gokčat máksomeriid mielde. Politiijaateasta gáibiduvvo. Dasa lassin oažžut buriid vásáhusaid,  olmmošmáhtu ja ávkkálaš oahppama, mii du boahtteáigái lea ávkin!

Sáhkkii gullat eambbo? Sáhtát go jurddašit šaddat doarjjaolmmožin? Čuojat dahje sádde e – boastta muhtumii mis;
Ann-Magritt Børresen,  bálvalus sidjiide geain lea hedjonan doaibmannákca dahje Per-Ivar Stranden Dearvvašvuođabálvalusa jođiheaddji

Telefovdna 46400349 E:boasta: ann-magritt.borresen@tana.kommune.no
Telefovdna 464 00 341 E:boasta: per.ivar.stranden@tana.kommune.no