Language Language Language Visning: A A A A A
toppbilde

Oahpaheaddji 100 % bistevaš virgái Bovccá bajásšaddanguovddážii

Deanu gielddas leat sullii 2900 ássi. Gielda lea Nuorta-Finnmárkkus ja lea rádjagielda Supmii.  Deatnu, vuotna ja duottar leat ráđđejeaddji luondduelemeanttat ja báidnet ássama kultuvrra ja ealáhusaid. Gielddaguovddáš Deanušaldi lea Nuorta-Finnmárkku gulahallanguovddáš ja deaivvadansadji olbmuide geain lea iešguđetlágan giella ja kultuvra. Mis leat hui buorit kultur-, falástallan- ja olgunastindoaibmavejolašvuođat.

Bovccá skuvla lea oassin Bovccá bajásšaddanguovddážis gos maid lea mánáidgárdi  ja SAÁO.

Skuvllas leat oahppit 1.-7. ceahkkái ja muhtun jahkeceahkit leat seamma luohkkálanjas. Skuvllas leat 36 oahppi, ja 6 bistevaš oahpaheaddjivirggi.

Bovccá skuvla dárbbaša dábálašoahpaheddjiid geat sáhttet oahpahit buot vuođđoskuvlafágaid, muhto mii dárbbašit earenoamážit oahpaheaddji geas lea álgooahpahus fágasuorggis dahje álgooahpahusain vásáhus. Sámegiella lea maid sávahahtti.

Skuvla ohcá oahpaheaddji 100 % bistevaš virgái 1.3.2020 rájes. ID 847.

Gelbbolašvuohta:

  • Dábálašoahpaheaddji.
  • Gelbbolašvuohta oahpahit 1.ceahkis 7.ceahki rádjái

Persovnnalaš iešvuođat:

  • Doallá fokusa oahppi oahppamii.
  • Doallá buriid oktavuođaid ohppiiguin, váhnemiiguin, ovttasbargoguimmiiguin ja bargoskihpáriiguin.
  • Ollu oassálastin ja persovnnalaš heiven deattuhuvvo.

Oahpahuslága § 10-9 mielde ferte ohcci buktit bolesduođaštusa virgádeami oktavuođas.

Lagabut dieđuid virggi birra oaččut go válddát oktavuođa rektoriin Heidi Wilsgårdain, tel.455 17 791, e-poasta: marit.linda.johnsen@tana.kommune.no

Jus don it háliit oidnot almmolaš ohcciidlisttas, de fertet dan vuođuštit ohcamušas. Dieđut sáhttet šaddat almmolažžan vaikke don leat bivdát iežat namat leat olggobealde ohcciidlisttas, vrd. almmolašvuođalága § 25. Ohcciide dieđihuvvo jus sin sávaldat ii váldojuvvo vuhtii.

Gielda gullá Davvi Romssa ja Finnmárkku doaibmaguvlui gos leat ekonomalaš ovdamunit dakkárat go geahpiduvvon vearru, vearuhis oahppoloanaid sihkkun ja ii leat vearru  el-rávnnji golaheamis. Muđui čuovvu virgáideapmi gustojeaddji lágaid, soahpamušaid ja njuolggadusaid. Ealáhatkássa miellahttuvuohta. Gielda sáhttá veahkehit gávdnat orrunsaji. Fárrengolut máksojuvvojit gieldda fárrennjuolggadusaid mielde.

Mii vuostáiváldit dušše elektrovnnalaš ohcamiid. Elektrovnnalaš ohcanskovis fertet deavdit dieđuid oahpu ja bargoduogáža birra. Ii leat doarvái dušše deavdit heaggadieđuid ja bidjat CV mielddusin.  Ohcamis ferte almmuhit guokte referánssa. Dokumentašuvnnaid almmuhuvvon oahpus ja bargoduogážis galgá váldit mielde vejolaš jearahallamii.

Dákko sáhtát ohcat virgái

Min skovvái ii sáhte čállit olgoriikka poastačujuhusa ja telefovdnadieđuid, de danne fertejit sii geain lea olgoriikka poastačujuhus geavahit dán poastačujuhusa: Deanu gielda, Rådhusveien 24, 9845 TANA. Rivttes čujuhus ja telefovdnanummir almmuhuvvo heaggadieđuid čilgensadjái vuolábealde.

Ohcanáigemearri: 28.1.20.