Language Language Language Visning: A A A A A
toppbilde

ID 836 - Konsuleanta/Áššemeannudeaddji Ovdánahttinossodagas

Deanu gielddas leat sullii 2900 ássi. Gielda lea Nuorta-Finnmárkkus ja lea rádjagielda Supmii. Deatnu, vuotna ja duottar leat gieldda erenoamášvuođat ja váikkuhit ássamii, kultuvrii ja ealáhusaide. Gielddaguovddáš Deanušaldi lea Nuorta-Finnmárkku gulahallanguovddáš ja deaivvadansadji olbmuide geain lea iešguđetlágan giella ja kultuvra. Gielda lea oassi sámegiela giellalága hálddašanguovllus, ja sámegiella lea almmolaš giella lassin dárogillii. 

Vai doalahat bálvalusbuvttadeami Ovdánahttinossodagas de lea Deanu gielddas 100% konuleattavirgi rabas.

Ovdánahttinossodagas leat 16 mielbargi geat barget hálddahusain, plánemin ja ovdánahttit surggiid nu go: areala, huksenáššit, kárta- ja mihtideamit, ealáhusat ja eanadoallu, luonddugeavahus, birasgáhtten, kultuvra, kulturskuvla, sámi teahter  ja nuoraid asttoáiggeklubba. Ossodat maid fuolaha bálvalusaid eará gielddaide. Gielda vuođušta oažžut buori mielbargiid geain leat, bargomokta, ovttasbargonávccat ja bálvalusmokta.

  • Barggut: Oppgaver:  Áššemeannudit, bagadit ja ráđđeaddin iešguđet ge lágáid vuođul, eanaš plána- ja huksenlágas (huksenáššit ja juogut), opmodatvearrolága, nuoskkidanlága ja mátrikkellága mielde.
  • Bagadit ja ráđđeaddin fitnodagaide ja doaimmahuslaččaid

Gelbbolašvuođa vuordámušat:

  • Heivvolaš oahppu allaskuvla dásis ja bargovásáhus bargguid ektui.
  • Áššemannudan gelbbolašvuohta ja vásáhus olbmuid bálvalit.
  • Buorre máhttu ja beroštupmi gavahit IKT ja GIS
  • Buorre njálmmálaš ja čálalaš ovdanbuktinnákca ja fuomášuhtti ovttasbargonákca.

Persovnnalaš attáldagat ja heivvolašvuohta boahtá deattuhuvvot virgádeames. Jos ohccit leat muđuid dássálagaid de boahtit su válljet gii máhttá sámegiela.

Bálká individuella soahpamuša mielde.

Jos du ohcan ii galggá leat álmmolaš ohcanlisttus, de fertet dan čielggađit ohcamis. Dieđut sáhttet šaddat álmmolaččat váikke ieš it leat dan háliđan ohcanlisttui, geahča álmmolašvuođalága § 25. Ohcci oažžu dieđu jos du reservašuvnna dáhttu ahte ii váldo vuhtii.

Gielda gullá Davvi Romsa ja Finnmárkku doaibmaguvlui mii addá ekonoamálaš ovdamuni nu go unnit vearru, vearrofrijja studieloatna geahpideapmi ja frijja el-divvat geavahusas. Muđui lea virgádeapmi lágaid, soahpamušaid ja njuolggadusaid vuođul. Miellahttun penšonkássii. Gielda sáhttá veahketit gávdnat ássanvisti. Gielda gokčá fárrengoluid gieldda fárrennjuolggadusaid mielde.

Virgeohcan fertet ovdanbuktit elektrovnnalaččat. Elektrovnnalaš ohcanskovi gávnnat gieldda ruovttusiiddus www.tana.kommune.no. Elektrovnnalaš ohcanskovis fertet deavdit dieđuid oahpu ja bargovásáhusa birra. Dat ii leat doarvái deavdit dušše personalia ja lástet bajás CV. Referánssaid mii bivdit buktit ohcamis. Duođaštuvvon kopijaid átteastain ja duođaštusain válddát mielde bargojearahallamii.

Lagabui dieđuid virggi birra oažžut jos válddát oktavuođa konstituerjuvvon ossodatjođiheaddjin Terese Nyborgain, tlf. 464 00 261 dahje e-posta: terese.nyborg@tana.kommune.no

Dákko sáhtat ohcat virggi

Sivas danin go čujuhus ja go telefondieđut olgoriikkas dan skovis hehttejit dan importeret min vuogádahkii, de ferte ohcci geas lea čujuhus olgoriikkas geavahit čuovvovaš čujuhusa: Rådhusveien 24, 9845 TANA. Rivttes čujuhusa ja telefonnummira bijat vuođuštusoassái personalia vuollái.

Ohcanáigemearri:  26.08.2019